Zinedine Zidane është bërë vetëm personi i shtatë në histori të futbollit që fiton Ligën e Kampionëve si lojtar e trajner Real Madridi mposhti në finale të Ligës së Kampionëve Atletico Madridin për ta rrëmbyer trofeun e 11 në histori të këtij kompeticioni.
Pas ndeshjes, Zinedine Zidane ka lavdëruar Ronaldon, i cili shënoi golin e fundit nga penalltia për ta fituar kështu La Undeciman. Gjatë një përqafimi që kishin në fushë, Zidane pëshpëriti disa fjalë në vesh portugezit. “Je shumë i madh, më i miri, më i miri”, ishin fjalët që Zizu ia pëshpëriti në vesh Cristianos, i cili shënoi golin e La Undecimas.
