Kukësi fitoi mbrëmje e së premtes ndaj Flamurtarit në Vlorë me rezultatin 0-1 nën drejtimin e Hasan Likës. Trajneri pranoi "incidentet" që Duro ka pasur me drejtues të klubit, duke thënë se ato kanë qenë keqkuptime dhe ai pritet të rikthehet si drejtues i skuadrës.
"Ajo që mund të them është se unë ndodhem sot këtu si zëvendësues provizor i Duros që nuk ishte prezent, por ai pritet të rikthehet dhe të bashkohet menjëherë me ekipin. Pas ndeshjes me Partizanin mes trajnerit dhe drejtuesve ka pasur një diskutim dhe një keqkuptim.
Mendoj se tashmë është një çështje e zgjidhur ose që do të zgjidhet shumë shpejt. Ai mund të ishte sot këtu, por mbase i është dashur më shumë kohë për të lënë pas atë diskutim. Gjykoj se gjithçka do të zgjidhet në ditët në vijim. Duro mbetet zyrtarisht trajner i Kukësit",-tha Lika.