Ne mesin e muajit mars, Lalës iu bë oferta konkrete nga ekipi bavarez, që i propozoi atij të luante një vit me talentet e rinj të akademisë. “Mendoj se javën e ardhshme do të shkoj në Mynih për të bërë vizitat mjekësore dhe më pas për të firmosur kontratën. Jam shumë i gëzuar pasi kjo është një gjë e shkëlqyer për mua”, tha lojtari shqiptar i cili është aktivizuar me Hanover nga viti 1998 deri më sot.
Familja e tij do të vazhdojë të qëndrojë në Hanover dhe ai ka pranuar se bashkëshorten Viktoria dhe fëmijët Gabriela e Kataldo do t’i shohë vetë gjatë pushimeve ose nëse udhëton çdo ditë. Por sipas tij, kjo është një sakrificë që ia vlen pasi ai është i dashuruar me futbollin.
“Për mua nuk ka problem, udhëtimet me tren apo avion janë të mira. A e pranoi lehtë familja vendimin? Po, pasi e dinë që jam futbollist në zemër. Për më tepër, karriera mbyllet vetëm një herë dhe ky vendim zgjat përgjithmonë”, tha Lala i cili tashmë do t’i shtojë edhe një tjetër vit eksperiencës së tij si futbollist. /lajmeshqip