Gjykata Kushtetuese rrëzon unanimisht marrëveshjen e ujrave detare të Shqipërisë me Greqinë duke kërkuar rinegocimin e saj .Gjatë mbledhjes së pasditës të ditës së martë, Gjykata Kushtetuese ka shpallur antikushtetueshmërinë e kësaj marrëveshje duke anuluar paktin dhe duke kërkuar rinegocim nga e para të kësaj marrëveshje. Ndonëse vendimi nuk është zyrtarizuar ende, burime nga Gjykata Kushtetuese pohojnë se kjo marrëveshje është hedhur poshtë në unanimitet me 9 votat e anëtarëve të Gjykatës Kushtetuese.
Gjithashtu mësohet se një ndër arsyet më të forta ka qenë fakti se grupi negociator i palës shqiptare nuk kishte marrë lejen e Presidentit të Republikës për të negociuar me palën greke. Ky fakt ka përbërë një cënim e shkelje të parimeve dhe të frymës së Kushtetutës, e cila kërkon kooperimin institucional si procedurë, nëpërmjet së cilës garantohet rendi juridik, shteti i së drejtës, e nëpërmjet tyre, edhe interesat kombëtare të mbrojtura nëpërmjet zbatimit të dispozitave të Kushtetutës. Në këto rrethana, përfaqësuesit e shtetit shqiptar kanë negociuar një marrëveshje që lidhet në emër të Republikës së Shqipërisë, pa pasur plotfuqinë e kryetarit të shtetit, Presidentit të Republikës, pra pa pasur autoritetin e duhur për të filluar bisedimet dhe negocimin e marrëveshjes". Ky argumentim mësohet të jetë pjesë edhe e vendimit përfundimtar të Kushtetueses.
Vendimi për të rrezuar këtë marrëveshje delikate kaloi në 9 mbledhje maratonë të gjyqtarëve. Marrëveshja e ujrave detare me greqinë u nënshkrua gjatë vizitës së ish-kryeminsitrit grek në Shqipëri Kostas Karamanlis. Marrëveshje e cila u kundërshtua ashpër jo vetëm nga shoqata të ndryshme në vend, por edhe nga opozita e cila vendosi ta ankimojë në Gjykatën Kushtetuese. Ankimimi i Partisë Socialiste thoshte se është shmangur plotfuqia e Presidentit të Republikës, ka pasur mungesë bashkëpunimi institucionl, hartimi dhe negocimi është bërë në fshehtësi të plotë, dhe marrëveshja nuk është shoqëruar me harta.
Gjithashtu mësohet se një ndër arsyet më të forta ka qenë fakti se grupi negociator i palës shqiptare nuk kishte marrë lejen e Presidentit të Republikës për të negociuar me palën greke. Ky fakt ka përbërë një cënim e shkelje të parimeve dhe të frymës së Kushtetutës, e cila kërkon kooperimin institucional si procedurë, nëpërmjet së cilës garantohet rendi juridik, shteti i së drejtës, e nëpërmjet tyre, edhe interesat kombëtare të mbrojtura nëpërmjet zbatimit të dispozitave të Kushtetutës. Në këto rrethana, përfaqësuesit e shtetit shqiptar kanë negociuar një marrëveshje që lidhet në emër të Republikës së Shqipërisë, pa pasur plotfuqinë e kryetarit të shtetit, Presidentit të Republikës, pra pa pasur autoritetin e duhur për të filluar bisedimet dhe negocimin e marrëveshjes". Ky argumentim mësohet të jetë pjesë edhe e vendimit përfundimtar të Kushtetueses.
Vendimi për të rrezuar këtë marrëveshje delikate kaloi në 9 mbledhje maratonë të gjyqtarëve. Marrëveshja e ujrave detare me greqinë u nënshkrua gjatë vizitës së ish-kryeminsitrit grek në Shqipëri Kostas Karamanlis. Marrëveshje e cila u kundërshtua ashpër jo vetëm nga shoqata të ndryshme në vend, por edhe nga opozita e cila vendosi ta ankimojë në Gjykatën Kushtetuese. Ankimimi i Partisë Socialiste thoshte se është shmangur plotfuqia e Presidentit të Republikës, ka pasur mungesë bashkëpunimi institucionl, hartimi dhe negocimi është bërë në fshehtësi të plotë, dhe marrëveshja nuk është shoqëruar me harta.
