BB Pensionet ne rrezik financimi

BB: Pensionet, ne rrezik financimi
Ekspertet e Bankes Boterore: Qeveria te gjeje zgjidhje para kolapsit

Sistemi i pensioneve ne vend shikohet me shqetesim nga zyra e Bankes Boterore ne Tirane dhe nga ekspertet e saj nderkombetare. Ne diten e dyte te konferences u diskutua pjesa qe prekte aspektin social, ndihmen ekonomike dhe pensionet ne veçanti. Per BB-ne, pensionet ne vend rrezikojne te perfshihen ne nje skeme te paperballueshme per qeverine, per shkak te raportit negativ qe paraqesin kontribuuesit me perfituesit. Referuar prezantimeve te bera nga tre eksperte te BB-se, dilte se me nivelin aktual te papunesise, me numrin e pakte te kontribuuesve dhe numrin e larte te perfituesve qe parashikohet te rritet akoma e me shume, si dhe me tendencen e plakjes se popullsise dhe reduktimin e lindjeve, rezulton se brenda nje periudhe 4-vjeçare sistemi i pensioneve ne vend rrezikon probleme te medha financimi. E pyetur nga deputetja e PS-se, Ermelinda Meksi, lidhur me uljen e kontributeve, drejtoresha e BB-se, Camille Nuamah, u pergjigj se, “çeshtja e pensionit ne Shqiperi nuk eshte nje çeshtje afatshkurter, por afatmesme. Ka gjasa qe menyra sesi sistemi aktual i pensioneve po funksionon, e çon ate ne deficit brenda nje periudhe afatmesme e afatgjate dhe zgjidhja mund te vije permes reformave te qendrueshme”.

Nje tjeter eksperte e BB-se, e cila paraqiti situaten sociale ne rajon dhe ndikimin nga kriza, Ufuk Guven, theksoi nevojen e menjehershme per reforme qe u nevojitet pensioneve. “Reforma behet sot, qe te perfitohet sa me shpejt. Çdo vonese sjell kosto”, tha Guven. Sipas saj, reforma ne pensione kerkon mbeshtetje dhe mjedis te pershtatshem politik. “Ndoshta çeshtjet e pensionit nuk jane shqetesuese sot per Shqiperine, por do te vijne gjithnje e me shume duke u bere me te rendesishme, sepse vendi juaj eshte nje popullate e re dhe me plakjen e popullates dhe per shkak te papunesise, apo tregu informal, te ardhurat do vijne duke u ulur, kurse shpenzimet duke u rritur. Pra, pensionet do te behen nje çeshtje e rendesishme ne te ardhmen”, tha Guven. Sa i takon uljes se kontributeve, te miratuara vitin e kaluar, me 5 per qind per punedhenesin, ekspertet e BB-se e gjykojne pozitive, por pa harrur rritjen e atyre qe e paguajne.

Deficiti i sigurimeve shoqerore dhe shendetesore ne Shqiperi pesoi nje rritje stratosferike gjate katermujorit te pare te ketij viti, si pasoje e rritjes minimale te te ardhurave dhe rritjes masive te shpenzimeve. Sipas bilancit, qeveria arketoi 18 miliarde leke kontribute per pension apo per kujdes shendetesor nga te punesuarit, me rritje vetem 0.45 per qind ne krahasim me vitin e kaluar. Ne te njejten periudhe, shpenzimet u rriten me 19.2 per qind dhe arriten ne 34.2 miliarde leke. Te ardhurat e fondeve publike te sigurimeve shoqerore e shendetesore mjaftuan kete vit per te mbuluar vetem 53 per qind te shpenzimeve, nga 62 per qind qe mbulonin nje vit me pare. Buxheti i shtetit ka planifikuar nje deficit prej 48.5 miliarde lekesh te fondet e sigurimeve shoqerore dhe shendetesore.

Artikujt e fundit


Reklama

Reklama