Alban Hoxha duket se ndodhet një hap larg hedhjes së firmës me ekipin turk të Gaziantepsorit. Mediat turke e bëjnë fakt të kryer kalimin e kapitenit të "demave" nga kampionati shqiptar në Superligën e Turqisë.
Sipas gazetës "Sabah", portieri i Partizanit pritet të firmosë javë e ardhshme. Më herët, po kjo gazetë ka njoftuar se shumë që kërkon Partizani për kartonin e Hoxhës është rreth 500 mijë euro.
Ekipi turk duket se po kryen një merkato të 'nxehtë' pasi flitet edhe për blerjen e një mbrojtësi dhe një sulmuesi.
Më herët, pas performancës që tregoi me Partizanin në takimet paraeliminatore të Champions-it, edhe klube italiane shfaqën interes për Alban Hoxhën.
