50 persona me detyrë roje private, protestuan paraditen e sotme para kompanisë së naftës “Trans Atlantik” në Fier, pasi kjo e fundit nuk iu ka dhënë rrogën prej katër muajsh.
Punonjësit e kompanisë private të sigurisë që punojnë për llogari të kompanisë naftënxjerrëse “Trans Atlantik”, protestuan për të kërkuan pagën e tyre mujore, të cilën nuk e kanë marrë prej muajit nëntor të vitit të kaluar.
Koordinatori i kompanisë private, Florenc Dobulla, thotë se rojet e kësaj kompanie punojnë në ruajtjen e puseve të naftës së “Trans Atlantik”, por se tashmë prej muajsh nuk marrin pagën e tyre.
Ndërkohë që theksoi se, kjo protestë është vetëm një paralajmërim, pasi në rast se nuk merren masa, atëherë ata do të bllokojnë zyrat dhe rrugën kryesore të kompanisë “Trans Atlantik”.