Vllaznia arrin Partizanin

Ekipi i Vllaznise ka arritur nje fitore te veshtire, ne staduimin "Loro Borici" ndaj ekipit te Elbasanit me rezultatin 2-1. Pjesa e pare ka nisur me gol per shkodranet, te cilet kaluan ne avantazh me 11-metersh me ane te Sinanit. Pas shenimit te golit, ishin elbasanasit qe krijuan disa raste shenimi qe nuk u shfrytezuan. Pjesa e dyte nisi e shpejte nga te dy palet dhe ne minuten e 53-te, Stojku shenon nje gol model, duke barazuar rezultatin. Pas golit loja u be me interesante, ku shkodranet kerkonin me cdo kusht fitoren, por edhe miqte nga Elbasani sulmuan rrezikshem ne porten e Grimes, por pa mundur te shenojne. Kur loja po shkonte drejt barazimit, ne minuten e 82-te Bejzade shenon golin e dyte dhe te fitores per Vllaznine. Me kete fitore ekipi shkodran ngjitet ne kuoten e 22 pikeve dhe i bashkangjitet Partizanit ne vendin e dyte. Partizani nga ana e tij nuk ka mundur te shkoje me shume se barazimi ne Vlore, ndaj Flamurtarit, duke u larguar nga kryesuesja Tirana dhe 2 pike te tjera, e cila nga e saj fitoi te premten me Beslidhjen 4-1. Partizani me kete rezultat tregon dhe njehere se e ka te veshtire te arrije tek fitorja jashte fushes se tij dhe ky nuk eshte nje tregues i mire pe nje ekip qe lufton per te fituar titullin kampion. Nderkohe Dinamo ka arritur te mposht Bylisin ne stadiumin "Selman Stermasi" te kryeqytetit me rezultatin 2-1. Ndonese ne nje terren te renduar nga shirat e rene, futbollistet e te dyja ekipeve u munduan te zhvillonin nje loje sulmuese, me veprime racionale dhe te kujdesshme, per te kapur ne befasi mbrojtjet respektive. Pas nje pjese te pare qe u mbyll pa gola, Dinamo ne pjesen e dyte ishte me kerkuese drejt portes kundershtare, cka beri qe te shenoje dy gola te shpejte, ne minuten e 53-te me anen e Qoses dhe te 59-ten me anen e Tikos. Pas shenimit te dy golave, dinamovitet u duken sikur leshuan terren per kundershtaret ballshiote, te cilet ne minuten e 73-te arriten te shenonin me anen e Elezit. Dinamo i kishte te gjitha mundesite per te shenuar golin e trete, por Pisha gjuan dobet 11-metershin e marre nga Qorri, te cilin e priti portieri Sinani.

Mbrojtësi bardheblu ka shënuar golin e tij të katërt në këtë sezon dhe ndihet i vlerësuar për shiritin e kapitenit

Ka mbi pesë muaj që jep kontributin e tij në skuadrën bardheblu dhe menjëherë e ka fituar besimin e skuadrës për të qenë kapiten. Falë aftësive dhe eksperiencës së tij të madhe në futboll, 32-vjeçari Rudi Vata është bërë një ndër pikat më të forta të skuadrës. Ai nuk di vetëm të mbrojë, pasi po shfaq cilësi shumë të mira edhe si sulmues. Ka shënuar 4 gola në 11 javë dhe tashmë e sheh veten në krye të golashënuesve, së bashku me shokun e skuadrës, Halilin. Edhe në ndeshjen ndaj Besëlidhjes, Vata sërish ka shënuar dhe e ka çliruar skuadrën nga barazimi. Ndihej vërtet i vlerësuar në këtë ndeshje nga e gjithë skuadra dhe sidomos nga trajneri Alimehmeti, i cili në analizën e skuadrës ia ka besuar atij shiritin e kapitenit. Duket se edhe shkodrani po e shpërblen më së miri këtë besim. Për Rudin më shumë rëndësi në futboll ka fitorja e skuadrës, pastaj kurora e golashënuesit, por, nëse do t'i jepej mundësia për ta fituar, ai kurrsesi nuk do ta refuzonte. Kështu është shprehur në një intervistë për "Sportin shqiptar," duke folur për skuadrën dhe për golat e shënuar.
- Rudi, sërish një fitore e thellë që ka padyshim eksperiencën dhe golat tuaj, apo jo?
- Mendoj se merita na takon të gjithëve si skuadër. U munduam të zhvillonim një ndeshje të mirë në përgjithësi dhe ia arritëm qëllimit. Vuajtëm disi vetëm në momentin e pësimit të golit të barazimit, që në pjesën e dytë të lojës u zhvleftësua tërësisht.
- Në pjesën e parë luajtët mirë, derisa shënuat golin, më pas e ulët ritmin dhe e pësuat golin e barazimit. Çfarë ndryshoi në lojën e skuadrës në pjesën e dytë?
- Në fillimin e pjesë së parë ne kërkuam të zhvillonim një lojë me sulme të njëpasnjëshme, që do ta vinte kundërshtarin në vështirësi. Ashtu ndodhi dhe shënuam golin e parë që në minutën e pestë dhe më pas patëm idenë se e fituam ndeshjen. Por edhe kundështari këtu e pati meritën, me një kundërsulm të shpejtë na gjeti në vështirësi dhe arriti të barazonte. Ky gol duket sikur na shkundi mirë dhe filluam të lëviznim në manovrën tonë sulmuese, por pa ia arritur qëllimit në pjesën e parë, sepse lojtarët e Besëlidhjes mbulonin mjaft ashpër. Me fillimin e pjesë së dytë, nga ana e trajnerit u bënë disa ndryshime, duke filluar nga lojtarët dhe deri të mendimi që ndoqëm për të arritur te golat e tjerë. Më pas erdhën edhe tre gola të menjëhershëm, çka përfundimisht e mbylli ndeshjen.
- Ndaj Besëlidhjes keni shënuar golin tuaj të katërt personal dhe jeni golashënuesi më i mirë. Mos vallë pretendoni të fitoni kurorën e golashëuesit?
- Do të më pëlqente më shumë, si fillim, të fitonte skuadra, pasi kjo është më e rëndësishme. Më pas, nëse do të më jepej mundësia të shënoja, do ta bëja me mjaft kënaqësi. Për sa i takon kurorës së golashënuesit, besoj se do të ishte diçka e bukur për një mbrojtës dhe me gjithë qejf do të doja ta fitoja. Skuadra e ndërtuar këtë sezon ta jep këtë mundësi dhe unë do të përpiqem.
- Pesë muaj në skuadër dhe jeni bërë kapiten. Një vlerësim që është vërtet për t'u përmendur, apo jo?
- Sigurisht. Është me të vërtetë një vlerësim që trajneri Alimehmeti më bëri në analizën para ndeshjes. U diskutua rreth roleve tona dhe të gjithë ranë dakord të ma besonin mua rolin e kapitenit. Unë kurrsesi nuk mund ta refuzoja, por jam i mendimit se nuk më takonte mua.
- Në dy javët e fundit skuadra ka shënuar tetë gola, pothuajse sa kishte shënuar në 9 javët e para. Shihet që diçka ka ndryshuar pas largimit të Haxhiabdiçit?
- Vërtet, ashtu është. Kjo meritë i takon sigurisht trajnerit Krenar Alimehmeti, i cili ka gjetur gjuhën e përbashkët me të gjithë futbollistët, duke u marrë atyre aftësitë më të mira në rolet që kanë. E them këtë, sepse ne jemi sërish po ata lojtarë të para dy javëve, që humbëm derbin dhe zhvillonin lojëra jo mbrësëlënëse.
- Si e parashikoni ecurinë e skuadrës në dy javët e mbetura të fazës së parë?
- Mendoj se kemi një short favorizues deri diku. Këtë të shtunë që vjen shkojmë në Lushnjë për t'u ndeshur ndaj skuadrës vendase, më pas presim Elbasnin në Tiranë. Nëse arrijmë të përgatisim çdo ndeshje, me një mobilizm të madh dhe me një punë të mirë të bërë nga ana e trajnerëve dhe nga ana jonë, kemi për të arritur 6 pikë mjaft të vlefshme. Sigurisht, do të na shpallte edhe kampionët e dimrit, çka do të na jepte edhe më shumë forca për fazën e dytë, që do të jetë edhe më e vështirë.
Aurel CELIBASHI