Vllaznia - Partizani 0-0

Vllaznia
Grima 6
Devolli 6
Alcani 6
E. Beqiri 6
Erasmo (Gjokoviç 50') 6
Ishka 6
Belisha 6
Bokatola 6
Kaçi (Martini 87') 6
Bejzade (Dibra 77') 6
Arbri 6
Trajner: H. Dedja

Partizani
Nallbani 7
A. Beqiri 7
Brakini 8
Behari 7
Tafaj 7
Dhëmbi 8
Zheraldinjo 7
Princ (Marselinjo 89') 7
Karioka (Ndreka 90') 7
Kapllani (Muzaka 74') 7
Abilio 7
Trajner: N. Bajko

Gjyqtarë: S. Velçani, A. Mali (Patos), K. Brahja (Tiranë).
Karton i verdhë: Alcani, Abilio, A. Beqiri, Karioka, Muzaka
Karton i kuq: Devolli

12' - Bokatola provon të gjejë kuadratin, por topi kalon pranë shtyllës së djathtë.
13' - Grima vonon në dalje, megjithatë arrin të largojë topin para Abilios.
15' - Goditje dënimi për Vllazninë, Arbri me kokë e dërgon topin fare pranë shtyllës.
19' - Karioka nis një top të gjatë për Abilion, por është portieri Grima që ndërhyn me shpejtësi, duke shpëtuar portën e tij.
24' - Vllaznia pretendon për prekje të topit me dorë nga një mbrojtës i Partizanit brenda zonës, por gjyqtari Velçani vazhdon lojën.
25' - Kaçi nis një top mjaft të bukur për Arbrin, por ky gabon në goditjen drejt portës.
28' - Bokatola fare pranë portës së Nallbanit nuk arrin të godasë, sepse është më i shpejtë Beqiri që largon topin.
36' - Ishka, në një pozicion të volitshëm për të goditur, gjuan pa shumë forcë dhe pret Nallbani.
45' - Zheraldinjo ekzekuton fort një goditje dënimi nga 25 metra, Grima e grushton topin dhe aty Princ, ndonëse i lirë, nuk arrin të shënojë.
53' - Goditje dënimi për Partizanin, topi në zonë goditet me kokë nga Brakini dhe ai, çuditërisht, nuk përfundon në rrjetë.
55' - Mbrojtësit e Vllaznisë gabojnë në largimin e topit, por aty Princ nuk arrin të përfitojë.
59' - Bejzade me kokë godet bukur, por topi, që po shkonte drejt portës, devijohet nga një mbrojtës në korne.
70' - Arbri, i lirë brenda zonës, godet, por Nallbani, ndonëse gjysmë i rrëzuar, arrin ta pengojë topin për të mos shkuar në rrjetë.
72' - Ishka shkarkon të majtën e tij, por pret bukur Nallbani.
91' - Dhëmbi ka mundësi të rrezikojë, në pozicion të favorshëm brenda zonës, por gjuan jashtë.

Thanë
Hysen Dedja, trajner i Vllaznisë: "Më vjen keq që nuk fituam. Në radhë të parë për sportdashësin tonë. Na dëmtoi mungesa e kondicionit të plotë të disa lojtarëve e po ashtu edhe dëmtimet e disa të tjerëve. Mbi të gjithë u ndie mungesa e Sinanit. Kundërshtari na vuri në vështirësi disa herë, ndërkohë që në pjesën e dytë lojtarët e mi herëpashere dolën edhe nga detyrat e dhëna me dëshirën për të shënuar. Aktivizimi i Dibrës u bë me qëllim që të shfrytëzohej shtatlartësia e tij, megjithatë edhe kjo gjë nuk solli rezultat. Edhe pas këtij barazimi, Vllaznia nuk është larguar nga pretendimet e saj, që vazhdojnë të jenë po ato të fillimit."
Neptun Bajko, trajner i Partizanit: "Takimi ishte me një nivel shumë të mirë. U luajt një futboll që për 95 minuta nuk i mërziti aspak tifozët e pranishëm në stadium. Kjo ndoshta është ajo që i nevojitet futbollit shqiptar. Pati shpirt të lartë gare nga futbollistët e të dyja skuadrave, ndërkohë që tek ekipi im më bëri përshtypje ajo gjë që i ka munguar herët e tjera: pikërisht loja kolektive dhe dhënia e maskimumit në një takim të tillë kaq të rëndësishëm."

Monologu
Nga Bujar Kasmi:
"Pashë dy skuadra të përgatitura në maksimum për të shfrytëzuar jo vetëm fushën e mrekullueshme të "Loro Boriçit", por mbi të gjitha këtë mjedis sportiv të denjë për fair-play. Skuadrat aplikuan pothuajse të njëjtat sisteme loje: Vlaznia e nisi me një 3-5-2 dhe Partizani me 4-4-2. Këto skema, natyrisht, që ndryshuan herë pas here sipas rrethanave të lojës. U vërejt një dëshirë e madhe për fitore te të dyja skuadrat, të cilat u munduan mjaft për të shënuar e për të fituar. Secila prej tyre tregoi kujdes edhe për të mos pësuar gol. Për rrjedhojë, takimi përfundoi në barazim pa gola, çka m'u duk dhe rezultati më i drejtë i këtij takimi. Së fundi, ajo çfarë konstatova pas këtij takimi, është se skuadrat kanë akoma shumë për të dhënë në të ardhmen".

Jashtë loje
- E veçanta e mbrëmjes së djeshme në Shkodër ka qenë prania e princit Leka në stadiumin "Loro Boriçi", i shoqëruar nga drejtuesit më të lartë të Partisë Lëvizja e Legalitetit si dhe nga truproja.
- Ka rënë në sy në tribunën VIP edhe prania e kryebashkiakut të Shkodrës, z. Ormir Rusi. Kjo ndodh pas një kohe të gjatë, gjatë së cilës nr.1 i kësaj bashkie e kishte braktisur ndjekjen e një takimi të skuadrës së tij.
- Aktivizimi i futbollistit Lici në formacionin Tiranës nuk ka kaluar pa u analizuar nga drejtuesit e Vllaznisë. Pas ndeshjes ata janë parë të diskutojnë në lidhje me një fakt të tillë, megjithatë, siç merret vesh, ende nuk ka një qëndrim zyrtar.