Lezhë, vendasit s'ditën ta ruanin avantazhin, madje humbën ndaj të kuqve

Lezha "hap portat" e kreut për Partizanin

Nga Lezha, Lekë Miraj
Besëlidhja - Partizani 1-2
Ndoja 5
Hasani 6
Lika 6
Brahja 5
Bruka 6
Kulla (Pjetrushi 46') 5
Makaj 7
Xhahysa (Myrto 76') 6
Toma 6
Doçi (Volumi 74') 6
Ivanaj 5
Trajner: V. Bici

Nallbani 5
Behari 6
Beqiri 6
Ndreka 6
Brakini 5
Prince (Muzaka 66') 5
Dhëmbi 6
Kapllani (Tafaj 46') 5
Abilio 6
Xheraldinjo 6
Karioka (Taviata 85') 5
Trajner: N. Bajko
Shënues: Toma 61', Xheraldinjo 65', Abilio 85'.
Gjyqtarë: B. Pregja (Tiranë), A. Mali (Patos), E. Miho (Durrës)
Karton i verdhë: Xhahysa, Brakini, Bruka, Lika, Xheraldinjo.
Karton i kuq: Lika, Ivanaj

5' - Harkim i topit brenda zone nga Xhahysa, godet me kokë Doçi mbi traversë.
10' - Makaj kroson, por Brakini preferon këndore.
15' - Godet Toma nga 16-m, por topi kalon poshtë pingules së majtë të Nallbanit.
16' - Xheraldinjo ekzekuton një goditje dënimi, por pa rrezik për Ndojën.
30' - Ivanaj, i vetëm përballë Nallbanit, gabon, duke e nxjerrë topin jashtë kuadratit.
31' - Makaj ka lëshuar një top në korridor për Ivanajn, por topi e gjen të papërgatitur këtë të fundit.
43' - Kundërsulm i Partizanit me 3-4 futbollistë, por mbrojtja vendase ndërhyn me kokë.
51' - Kombinacion Doçi-Ivanaj-Pjetrushi, godet ky i fundit nga afër, por topi kalon mbi traversë.
61' - Kombinacion tjetër i bukur, Doçi-Ivanaj-Toma, ky i fundit e godet pa e ndaluar topin dhe gol, 1-0.
65' - Goditje mjeshtërore nga rreth 22-23 metra nga Xheraldinjo dhe rrjetë. Barazim 1-1.
66' - Kros i Pjetrushit për Ivanaj, i cili vonon në goditje dhe ndërhyn mbrojtja mike.
70' - Godet Makaj me kokë dhe topi kalon mbi traversë.
73' - Beqiri gjuan rrafsh me tokën dhe Ndoja e pret topin.
76' - Dy herë provon të shënojë Ivanaj, por Nallbani, në gatishmëri, pret.
78' - Harkim i saktë i topit nga Toma, por Myrtaj fare afër nuk shënon, duke e dërguar topin mbi traversë.
85' - Beqiri kroson saktë tek Abilio, i cili fare afër, i pambuluar nga mbrojtësit vendas, godet me kokë, duke dërguar topin në rrjetë dhe 2-1.

Thanë
Vasil Bici, trajner i Besëlidhjes: "Sulmuam më shumë se Partizani. Humbëm raste të pastra për shënim. Kaluam të parët në avantazh, por nuk ditëm të administrojmë avantazhin. U goditëm me kartona të kuq nga veprimet diletante të futbollistëve. Ne ia dhuruam vetë fitoren Partizanit. Kemi dy ndeshje jashtë të vështira, por ne duhet të luftojmë deri në fund për të ruajtur klasifikimin në 10 ekipet më të mira".
Neptun Bajko, trajner i Partizanit: "Ishte ndeshje e vështirë dhe, ashtu siç e kishim parashikuar, na doli. Besëlidhja luajti mirë, sulmoi, por dhe gaboi shumë. Barazimi mendoj se ishte rezultati më i drejtë".

Monologu
Nga Esat Sadiku:
"Ishte një pjesë e parë e vakët, pa asnjë gjuajtje në portë nga të dyja palët. Futbollistët prisnin të gabonte kundërshtari për të rrezikuar. Nuk kishte veprime sulmuese të menduara e të ndërtuara mirë për të kapur kundërshtarin në befasi. Pjesa e dytë u gjallërua. Goli i vendasve ndikoi në përmirësimin e lojës. Vendasit luajtën mirë, sulmuan, por dhe humbën shumë raste. Ata u goditën nga veprimet fare diletante të futbollistëve të rinj, të cilët morën kartona fare kot. Kjo vjen ngaqë ata kanë mungesë përvoje dhe profesionalizmi. Partizani u tregua një ekip i pjekur, shfrytëzoi me mjeshtëri gabimet e pafalshme të mbrojtjes dhe portierit lezhjan. Mendoj se barazimi ishte rezultati më i drejtë".

Jashtë loje
- Një grup sportdashësish lezhjanë kanë filluar përkrahjen e Besëlidhjes në sheshin pranë stadiumit, tre orë para ndeshjes.
- Kanë mbërritur në Lezhë 2-3 orë përpara ndeshjes fansat e Partizanit me shallët e kuq karakteristikë në qafë.
- Bajko ka "inspektuar" fushën e lojës cep më cep një orë para ndeshjes.
- Në tribunën VIP ishin të pranishëm trajneri i ekipit kombëtar Shpresa, Hasan Lika dhe anëtari i Komitetit Ekzekutiv të FSHF-së, Salvator Kaçaj.