|
|
Në takimin e saj të parë në grup,
skuadra jonë përfaqësuese arrin një barazim të
merituar me Zvicrën
Murati, goli "i artë"
i barazimit
Pas një goli aksidental në pjesën e
parë, futbollistët e kombëtares sonë zotërojnë
tërësisht lojën
Ndeshja
e shumëpritur midis skuadrës sonë përfaqësuese
dhe Zvicrës, e vlefëshme për eliminatoret në grupe
të Kampionatit Evropian "Euro 2004", dje për skuadrën
tonë erdhi me një barazim të merituar, ndaj një skuadre
të fortë dhe pretendente, Zvicrës. Një barazim që
e meritoi skuadra jonë, dhe që autori i golit të barazimit,
Edvin Murati e quajti një gol që i shërbente moralit të
skuadrës sonë, kombit tonë. "E mendova që në
ato ccaste duhet të gjuaja direkt në portë për të
zënë në befasi portierin zviceran që priste kros nga
unë. Fati dhe këmba më nderoi, nderoi skuadrën dhe
gjithë kombin tonë, i cili e priste një rezultat pozitiv
nga ne". Dhe duke ju referuar kronikës së lojës, duhet
thënë se në pjesën e parë skuadra jonë e
nisi vrullshëm lojën, e Klodian Duro në minutën e
6-të kishte mundësi të rrezikonte. Pas minutës së
10-të skuadra zvicerane e kontrolloi më mirë lojën,
u mbështet në kundërsulmin e shpejtë, dhe në
minutën e 37-të e zuri në befasi mbrotjen e portierin tonë.
Pas një rrëmuje të krijuar te vija fatale e portës
sonë, topi preket me dorë nga mbrotësit tanë, gjyqtari
lejoi avantazhin, e topi pasi u kthye në lojë, përfiton
Murat Joakim, i cili e shtyu topin në rrjetë, Goli i dha më
shumë epërsi skuadrës së Zvicrës, e cila mund
ta mbyllte pjesën e parë edhe me rezultatin 2 : 0, pas një
gjuatje të Shapuiza brenda zonës, por portieri ynë Strakosha
e priti me mjeshtëri. Ndryshe ndodhi në pjesën e dytë.
Tradicionalisht skuadra jonë kombëtare në këtë
pjesë e ka ulur rritmin e lojës, ndërsa dje e ngriti maksimalisht,
duke eliminuar edhe gabimet e bëra në pjesën e parë.
Tare duhet të shënonte që në minutën e 47-të,
apo fatmir Vata në minutën e 23-të. Në këtë
pjesë skuadra zvicerane e nisi në një mbrotje të përforcuar,
ndoshta për të rruajtur barazimin, e me kundëqrsulmet e
Shapuiza dhe të Hakan Joakim të shfrytëzonte edhe mundësi
të tjera. Megjithëse raste krijoi, gol nuk shënua, sepse
gjithccka në formacionin e skuadrës sonë funksionoi në
rregull. Kështu erdhi edhe minuta e 80-të e lojës, ku pasi
është fituar në goditje dënimi në gjysëmfushën
e kundërshtarit, Murtai me një gjuatje të fortë e
ka kaluar topiun në rrjetë. Barazimi i dha më shumë
grintë e kurajo lojës së skuadrës sonë, ku edhe
zëvendësimet e bëra nga trajneri ynë Dosena, i dhanë
mundësinë që jo vetëm të rruante barazimin, por
edhe të krijonte mundësi të tjera shënimi. Kështu
u mbyll kjo premierë e rëndësishme e skuadrës sonë
përfaqësuese, e cila me këtë barazim, i jep asaj kurajo
që të vazhdojë rrugën e vështirë të
ndeshjeve të tjera në grup.
Agron Kaja
Pas ndeshjes
Xhuzepe Dosena, trajner i Shqipërisë : "Jam shumë
i kënaqur nga ky rezultat, dhe do të falenderoja të gjithë
skuadrën që luajti në këtë ndeshje, të gjithë
ata futbollistë që ishin në stol, dhe të gjithë
ata që nuk arritën të luajnë. Por do të falenderoj
publikun e zjarrtë në stadium, të cilët treguan se
e duan skuadrën e tyre me rezultate pozitive. Kjo është
një fitore të cilën e arriti i gjithë grupi i skuadrës,
ndaj një skuadre të madhe. Që sot duhet të mendojmë
për ndeshjen me Rusinë, që ky kampionat Evropian të
presë edhe Shqipërinë""
Jakob Kuhn, trajner i Zvicrës : " Barazimi është një
rezultat i mirë, por jo ai që kishim menduar ne. Unë e
prisja këtë lojë, që Shqipëria do të luante
fort, në një ndeshje shumë luftarake dhe të vështirë.
Duke e menduar barazimin 1 : 1 të drejtë për të gjithë
këtë ndeshje, ne do të shohim edhe disa mangësi në
ndeshjen e ardhëshme. Kolegut Dosena i uroj sukses, të bëjë
sa më shumë pikë në grup, që të ecë
më shumë".
Edvin Murati, mesfushor, Shqipëri : "E mendova që në
ato ccaste duhet të gjuaja direkt në portë për të
zënë në befasi portierin zviceran që priste kros nga
unë. Fati dhe këmba më nderoi, nderoi skuadrën dhe
gjithë kombin tonë, i cili e priste një rezultat pozitiv
nga ne. Shpirti i garës që treguam sot do të jetë
edhe në ndeshjen tjetër me Rusinë".
Murat Joakim, mbrojtës, Zvicër : "Nuk duhet që kjo
ndeshje të kishte përfunduar në barazim, sepse ne meritonim
t'a fitonim. Por në pjesën e dytë loja jonë nuk ishte
si në pjesën e parë, për shkak të terrenit shumë
rreshkitës, por edhe lojës së fortë që zhvilluan
shqiptarët. Rrezikuam edhe raste të tjera, por pa fat për
gol".
Minutat e lojës:
3'- Mesfushori shqiptar, Klodian Duro, merr një top në mesfushë
dhe, pasi driblon dy kundërshtarë, pason për shokun e skuadrës,
Fatmir Vatën. Ky i fundit del në pozicion të volitshëm
për të rrezikuar portën kundërshtare, gjuan fort,
por jashtë.
5'- Goditje këndi për ekipin tonë. Topi krosohet për
te Tare, i cili gjuan fort me kokë, por ka devijuar një mbrojtës
zviceran, Haas. Sërish korne për tanët.
10'- Goditje dënimi për ekipin tonë. Ka ekzekutuar bukur
Klodian Duro, topi ka gjetur kokën e shtatlartit tonë Tare,
i cili në pozicion shumë të favorshëm ka gjuajtur
keq me kokë, mbi traun e portës kundërshtare.
15'- Rasti i parë i rrezikshëm për miqtë. Hakan Jakin
ka lëshuar një predhë nga rreth 20 metra, duke e kalur
topin ngjitur me traun e portës së mbrojtur nga portieri ynë,
Foto Strakosha.
20'- Kundërsulm i shpejtë i skuadrës kuqezi. Haxhi ka rrëmbyer
një top në mesfushën e zvicerane dhe, pasi ka shërbyer
bukur për Taren, e ka gjetur veten sërish në zotërim
të topit. Ballë për ballë me portierin mik, Stiel
ka gjuajtur rrufeshëm, por ka pritur në dy ky i fundit.
25'- Fatmir Vata vë në alarm mbrojtësit kundërshtarë.
Këta të fundit, në pamundësi për ta ndaluar në
mënyrë të rregullt, shkaktojnë goditje dënimi
ndaj tij në gjysmëfushën e tyre. Ka ekzekutuar K. Duro,
topi ka parakaluar tërë pasqyrën e zonës së rreptësisë
së Zvicrës, por pa u prekur nga asnjeri. Ekipi ynë humbet
edhe një mundësi tjetër për të kaluar në
avantazh.
30'- Goditje dënimi për ekipin zviceran. Ka gjuajtur në
mënyrë të befasishme Murat Jakin dhe për pak ka shënuar.
Topi i goditur prej tij e ka gjetur të papërgatitur portierin
tonë, Strakosha dhe ka pushuar në trekëndëshin e djathtë
të tij. Prej andej është kthyer sërish në lojë.
Por tashmë tanët e kanë larguar rrezikun nga porta e tyre.
35'- Aksion nga e djathta e miqve. Magnin ka krosuar në zonën
e portës sonë, por aty ka grushtuar Strakosha, duke evituar
një rrezik tjetër në portën e tij.
39'- Goditje dënimi për ekipin zviceran. Ka ekzekutuar Vogel,
por topi është devijuar nga mbrojtësit tanë në
korne. Nga këndi ka shërbyer sërish Vogel dhe mbrojtja
jonë është gjendur në befasi. Ka ndërhyrë
në lëmshin e futbollistëve Murat Jakin, duke shënuar
për Zvicrën, 0-1
40'- Tare ka rastin më të pastër për të barazuar.
Pas një krosi të marrë nga shokët e skuadrës,
i vetëm përballë Stiel, ka gjuajtur me kokë, gabimisht
mbi tra.
46'-Tare sërish ka bërë atë që nuk duhej bërë.
Pasi ka rrëmbyer një top në lëmshin e krijuar në
portën kundërshtare, bën të gjuajë i lirë,
por del huq. Kështu humbet një tjetër rast i pastër
për të barazuar.
48'- Zvicra ka rastin më të pastër për të dyfishuar
rezultatin. Sulmuesi i tyre, Aleksandër Frei, është lënë
i lirë nga mbrojtësit tanë, të cilët e kanë
kujtuar atë në pozicion jashtë loje. Vetëm për
vetëm me portierin tonë Strakosha ka gjuajtur gabimisht, tej
shtyllës së majtë pingule të portës sonë.
50'- Kundërsulm i rrufeshëm i miqve. Topi, i ardhur nga mesfusha
jonë, ka gjetur të lirë sulmuesin zviceran Shapusia. Në
momentin kur ky i fundit do të godiste, ka ardhur ndërhyrja
shpëtimtare e Xhumbës, i cili ia ka hequr topin nga këmbët
sulmuesit zviceran.
63'- Fatmir Vata ka dribluar disa lojtarë kundërshtarë
dhe, kur duhej të gjuante në kuadrat, ka gabuar duke e nxjerrë
topin shumë metra larg shtyllës pingule të Stiel.
72'- Myrtaj e ka ndjekur me shumë vëmendje aksionin. I ka rrëmbyer
një top mbrojtësit zviceran, i cili po e linte atë të
dilte jashtë vijës fundore. Ka pasuar për të sapofuturin
në lojë, Bushin, i cili ka gjuajtur keq, jashtë.
78'- Goditje dënimi për ekipin tonë. Ka ekzekutuar mjeshtërisht
Murati nga rreth 25 metra larg nga porta e miqve. Topi ka marrë të
prerë në momentin e goditjes dhe ka pushuar në krahun e
kundërt të portierit zviceran, Stiel. Rezultati barazohet 1-1.
84'- Zviceranët kanë shpërdoruar një rast ideal për
të kaluar sërish në avantazh. Selestini, i futur në
pjesën e dytë, është gjendur i vetëm me portierin
tonë, Strakosha. Gabon fatalisht në konkludim, duke gjuajtur
jashtë portës sonë.
90'- Bushi ka harkuar një top drejt portës kundërshtare,
pasi ka parë daljen e Stiel, por topi nuk i është bindur
plotësisht këmbës së tij, duke përfunduar disa
metra mbi tra.
A.Lleshi, F.Rupi
Të veçanta
Rrëmujë në fillim të ndeshjes në vendet e gazetarëve.
Drejtuesit e stadiumit dhe ata të Federatës së Futbollit
i kishin pajisur gazetarët zviceranë me leje qëndrimi në
stolat e gazetarëve. Kështu që kolegët e tyre shqiptarë
kanë mbetur në këmbë.
2 orë para ndeshjes, disa tifozë kanë shpalosur një
fanellë gjigande të kombëtares, në të cilën
shkruhej "Murati". Duket sikur e kishin parandjerë se ky
futbollist do të shënonte. Dhe ndodhi vërtet kështu.
Në të majtë të stadiumit kombëtar "Qemal
Stafa" ishin vendosur një grumbull i madh tifozësh kosovarë,
që thërrisin gjatë gjithë kohës në kor.
Përpara tyre ishte shpalosur një pankartë e madhe ku shkruhej
"Kuqezinjtë nga Gjakova".
Të parët që kanë dalë në nxemje kanë
qenë zviceranët, 50 minuta përpara se të fillonte
takimi. Futbollistët tanë e kanë bërë një
gjë të tillë vetëm gjysmë ore para takimit.
Bashkë me futbollistët, që kryenin nxemjen përpara
ndeshjes, ka hyrë edhe "Shqiponja", maskoti i kombëtares
sonë. Në këtë moment, i tërë stadiumi ka
shpërthyer në brohoritje për kuqezinjtë.
Ndeshjen mes Shqipërisë dhe Zvicrës e kanë ndjekur
edhe shumë personalitete të larta të shtetit shqiptar.
Në tribunën VIP ka qenë kryeministri Nano, ministrja e
Kulturës, Rinisë dhe Sporteve, Arta Dade, ministri i Rendit,
Luan Rama dhe kryebashkiaku i Tiranës, Edi Rama.
Shiritin e kapitenit për të dyja ekipet e kanë mbajtur
portierët, Strakosha dhe Stiel.
Sulmuesi ynë i Kombëtares, Igli Tare, ka luajtur mbrëmë
me një numër tjetër në fanellë. Biondi kuqezi
ka mbajtur mbi shpinë numrin 17, ndërkohë që më
parë ka luajtur me numrin 11.
Duke qenë se dje trajneri i Zvicrës, Kuhn, kishte 59-vjetorin
e lindjes, trajneri ynë, Bepe Dosena, i dhuroi atij një kollare
në ngjyrën e flamurit tonë si dhe një fotografi të
Skënderbeut.
Përgjatë një pjese loje, trajneri Dosena preferoi të
mbante në kokë një kapele.
Sina ishte i vetmi lojtar nga kampionati shqiptar, i cili u aktivizua
në ndeshjen e djeshme.
Përpara futjes në fushë, sulmuesi Bushi ka marrë diçka
fati nga stafi i ekipit, të cilën e ka hedhur në fushë.
Kur lojtarët kanë dalë nga dhomat pas ndeshjes, sulmuesi
Myrtaj ngatërroi autobuzin për një çast, duke u
futur te ai zvicerian.
Vlerësimet për lojën e futbollistëve të Kombëtares
ndaj Zvicrës
"Skaneri" i kuqezinjve
1. Foto Strakosha 6.5: Kapiteni i kuqezinjve nuk e ka tradhtuar as kësaj
here formën e tij, që ndonëse nuk shkëlqeu si dikur,
nuk la aspak për të dëshiruar. Mbetet një siguri për
Kombëtaren.
2. Altin Lala 6.5: Sigurisht, nuk ishte ndeshja e tij më e mirë
me Kombëtaren, por jo edhe më e dobëta. Vazhdon të
sakrifikohet, si me klubin e tij, Hanoverin, edhe me Kombëtaren,
në një rol jo shumë të përshtatshëm për
të. Megjithatë, shpirti dhe dëshira për të dhënë
maksimumin nuk i mungoi as kësaj radhe.
3. Geri Çipi 6.5: Një nga pedinat më të rëndësishme
për Dosenën në qendër të mbrojtjes. Gati i pakalueshëm
me kokë, jo plotësisht i sigurt me këmbë. Udhëhoqi
më së miri repartin e mbrojtjes, që i la pak hapësira
kundërshtarit.
4. Arjan Xhumba 7: Më i miri në mbrojtjen shqiptare. Një
sens të pagabueshëm pozicioni, duke fituar gati çdo dyluftim
me kundërshtarët në sajë edhe të eksperincës
së gjatë dhe zgjuarsisë individuale.
5. Ervin Fakaj 6: Nuk ishte në maksimumin e tij, por kjo dihej duke
pasur parasysh se ende nuk ka gjetur një skuadër ku të
luajë. Megjithatë u përpoq të jepte maksimumin në
fushë dhe në lojën në ajër ishte shumë lart.
I vlefshëm për Dosenën edhe në takimet e ardhshme.
16. Elvis Sina (i pavlerësueshëm)
6. Besnik Hasi 7: Pa dyshim motori i mesfushës shqiptare në
ndeshjen me Zvicrën. I palodhur në thyerjen e aksioneve të
kundërshtarëve, por shpesh herë merrte iniciativën
për të ndërtuar aksionet sulmuese të tanëve.
Forma e tij është ogur i mirë edhe për Kombëtaren.
7. Edvin Murati 7.5: Virtuoz me topin dhe i pamarkueshëm për
kundërshtarët, që i përdorën të gjitha mënyrat
për ta ndaluar. Më i miri i Kombëtares sonë ndaj Zvicrës,
megjithatë vazhdon të ketë një karakter dallues në
fushë. Goli ishte finalizimi i një mbrëmjeje të mrekullueshme
për të.
8. Altin Haxhi 6: Një lojtar me klas si të tijin, është
sakrifikuar në një rol krejtësisht të ri për
të në Kombëtare. Nuk është se nuk u përpoq
të jepte maksimumin në fushë, por nuk arriti ta gjente
veten në rolin e ri. I mungonin inkursionet tipike në krahun
e majtë.
18. Alban Bushi 6: Nuk gëzon formën e tij më të mirë,
edhe pse ka një përkrahje të gjerë nga publiku. Megjithatë,
futja e tij në lojë e tërhoqi skuadrën me fytyrë
nga porta kundërshtare. I mungojnë golat, që janë
"ushqimi" për një sulmues si Bushi.
9. Klodian Duro 6.5: Një tjetër lojtar në një rol
jo shumë të zakontë për të. Megjithatë,
duhet thënë se e kaloi mirë provën, duke çaluar
vetëm në fazën mbrojtëse. Por kjo nuk është
ndonjë çudi, pasi karakteristikat që posedon nuk i përshtaten
shumë lojës mbrojtëse.
10. Fatmir Vata 6: Nuk ishte në ditën e tij më të
mirë dhe qe mjaft konfuz në lojë. Nuk arriti të krosonte
shumë topa në drejtim të zonës kundërshtare,
çka është edhe një nga tiparet dalluese të
tij.
17. Igli Tare 6.5: Ishte pika e referimit të Kombëtares sonë
në lojën sulmuese. Bëri maksimumin për t'i shërbyer
skuadrës, duke qenë i pranishëm gati në çdo
dyluftim ajror. U la i vetëm në sulm dhe nuk gjeti bashkëpunimin
ideal më lojtarët anësorë, që pak topa nisën
drejt tij. Sulmues i padiskutueshëm për Dosenën dhe Kombëtaren.
14. Florian Myrtaj 6.5: Debutoi në "Qemal Stafa" dhe nuk
zhgënjeu aspak. Nga të paktët sulmues shqiptarë që
e "gjuante" golin, edhe pse nuk u ndihmua nga të tjerët
për ta gjetur atë. Nevojiten më shumë minuta për
ta njohur plotësisht.
Protagonistët për veten, ndeshjen dhe të ardhmen
Ervin Fakaj: "Mendoj se kemi bërë një fillim të
mbarë, pasi gjithë herët e tjera e kemi nisur me humbje.
shpresoj që të vazhdojmë të luajmë në këtë
mënyrë. Ekipi bëri përpjekje maksimale për ta
fituar takimin, por duhet të them se edhe skuadra zvicerane ishtë
shumë e përgatitur. Terreni i lojës ishte shumë i
vështirë dhe mendoj se barazimi ishte një rezultat pozitiv.
Tani nuk na mbetet gjë tjetër veçse të mendojmë
për ndeshjen e radhës kundër Rusisë".
Foto Strakosha: "Duke pasur parasysh se kishim përballë
një kundërshtar shumë të fortë, siç është
Zvicra, mendoj se duhet të jemi të kënaqur nga rezultati.
Zhvilluam një lojë të mirë, sidomos në fillimin
e pjesës së parë, por u ndëshkuam në fund të
saj. Përsëritëm edhe një herë ato gabime që
kemi bërë gjithmonë. Dua të them se ne rastin e golit
që shënoi skuadra kundërshtare, u treguam të pakujdesshëm.
Në pjesën e dytë u përpoqëm shumë dhe arritëm
të barazonim. Përpjekjet tona vazhduan edhe pas golit të
barazimit, por nuk ia arritëm dot qëllimit. Na pret një
ndeshje akoma më e vështirë pas katër ditësh
me Rusinë, por rezultati i sotëm pozitiv i shërbeu shumë
moralit të skuadrës".
Igli Tare: "Në pjesën e parë kemi zhvilluar një
ndeshje të mirë, por jemi ndëshkuar në fundin e saj.
Në pjesën e dytë ndryshimet e trajnerit sollën dhe
ndryshimin e rezultatit dhe mendoj se kemi arritur të marrim një
pikë mjaft të vlefshme ndaj një kundërshtari mjaft
të fortë. Shpresoja shumë te një gol, por nuk ia arrita
qëllimit".
Altin Lala: "Mendoj se kemi dominuar pjesën më të
madhe të lojës. Në fundin e pjesës së parë
kemi pësuar një gol aksidental, pasi e kishim dominuar atë.
Gjatë pjesës së dytë kemi hyrë në fushë
vetëm me një qëllim, atë të shënimit të
golit dhe e arritëm me një goditje perfekte nga Murati. Mund
të them se përballë kishim një kundërshtar mjaft
të vështirë, nuk qe e lehtë ta çaje pasi kishte
shënuar golin. Ky rezultat qe mëse i drejtë, duke parë
edhe situatën se si shkoi ndeshja".
Klodian Duro: "Në përgjithësi kemi zhvilluar një
ndeshje spektakolare. Skuadra qe mjaft e mobilizuar, por na ndëshkoi
shumë goli në fundin e pjesës së parë. Në
pjesën e dytë u pa e udhës të ndryshohej skema e lojës
dhe menjëherë erdhi goli i barazimit me një goditje dënimi,
e cila u fitua me mjeshtëri nga Myrtaj. Në fund, mund të
them se meritonin disi më shumë për sa i përket rezultatit,
sepse në lojë ishim superiorë karshi kundërshtarit".
Besnik Hasi: "Mendoj së loja që zhvilluam ishte e një
niveli të mirë. Nuk i lamë shumë hapësira ekipit
kundërshtar dhe sulmuam në mënyrë të vazhdueshme.
U ndëshkuam me një gol në fundin e pjesës së
parë dhe mendoj se patëm meritë, pasi duke u gjendur në
dizavantazh arritëm të barazonim. Besoj se edhe terreni i rënduar
ndikoi në lojë, pasi ishte shumë e vështirë lëvizja
në fushë. Shpresoj të vazhdojmë të luajmë
në këtë mënyrë edhe në ndeshjen me Rusinë".
Albert Duro: "Skuadra zhvilloi një ndeshje shumë të
mirë, të gjithë lojtarët dhanë më të
mirën në fushën e lojës. Në fundin e pjesës
së parë kemi pësuar një gol që nuk e meritonim.
Gjatë gjithë ndeshjes kemi zhvilluar një lojë shumë
të mirë, duke e qarkulluar shumë topin dhe duke e vënë
në vështirësi kundërshtarin. Në fund mund të
them se skuadra meritonte fitoren".
Florian Myrtaj: "Ishte ndeshja ime e parë zyrtare, pasi jam
grumbulluar në turnetë miqësore të Bahreinit dhe Maltës.
Mendoj se, megjithëse në pak minuta, bëra një paraqitje
të mirë. Skuadra zhvilloi një ndeshje shumë të
mirë dhe besoj se publiku shqiptar mbeti i kënaqur. Shpresoj
të jap më shumë në të ardhmen me skuadrën
përfaqësuese".
Elvis Sina: "Me aq pak minuta sa u aktivizova, në një
rol të ri, besoj se dhashë më të mirën. Skuadra
qe në gjendje shumë të mirë fizike e teknike, dhe
e dominoi pjesën më të madhe të lojës. U përpoqëm
me të gjitha mundësitë të bënim më të
mirën, por ja që tashmë duhet të kënaqemi me
këtë rezultat".
Lulëzim Hushi: "Kemi treguar se ky ekip e meriton të luajë
në nivele të larta futbollistike. Gjatë pjesës së
parë kemi zhvilluar një lojë shumë të mirë,
por jemi ndëshkuar në fundin e saj. Në pjesën e dytë
skuadra qe akoma më e mobilizuar për të arritur të
paktën golin e barazimit. Arritëm të shënonim, por
do të ishte më e mira të kishim marrë diçka
më shumë se kaq. Ky ishte grumbullim im i parë me trajnerin
Dosena; mund të them se është vërtetë një
trajner profesionist, ndihet dora e tij. Ka krijuar një grup shumë
të mirë dhe ka arritur të futë një mentalitet
të ri".
F O R M A C I O N E T
Shqipëria
1. Strakosha
2. CCipi
3. Xhumba
4. Fakaj
(Sina 88')
5. Murati
6. K. Duro
7. Hasi
8. Haxhi
(Bushi 65')
9. Lala
10. F. Vata
11. Tare
(Myrtaj 71')
Trajner Xhuzepe Dosena
Zvicra
1. Shtil
2. Has
3. Manjin
4. Mëler
5. Murat Joakim
6. Vogel
7. Kabanas
(Ccantalupi 53')
8. Viki
9. Frei
10. Hakan Joakim
11. Shapuiza
Trajner Jakob Kuhn
Shënues : Murat Joakim 37', Murati 80'
Gjyqtarë
Kryesor : Orhan Erçemir, Turqi
Asisentë: Mynir Tekpak, Turqi
Koray Gencerler, Turqi
Vëzhgues: Mark Batta, Francë
Vëzhgues: Donald Mc Vicar, Skoci
Historia e takimeve me Zvicrën
Më 11 prill 1965 në Tiranë
Eliminatoret e Kampionatit Botëror
Shqipëri - Zvicër 0 : 2
Shënues: Kenten 34' (p), Kuhn 90'
Gjyqtar: Zberdela (Itali)
Më 2 maj 1965 në Gjenevë
Eliminatoret e kampionatit Botëror
Zvicër - Shqipëri 1 : 0
Shënues: Kuhn 10' (p)
Gjyqtar: Paralef (Spanjë)
Më 12 tetor 2002 në Tiranë
Eliminatoret e Evropianit
Shqipëri - Zvicër 1 : 1
Shënues M. Joakim 37', Murati 80;
|
|
|