PAS SHQIPËRISË...
pjesë e një komentimi të televizionit të Zvicrës Gjermane DRS

…

Përkundrejt udhëtimit në Shqipëri ai për në Dublin kaloi pa ndonjë incident. Në bord të aeroplanit ndodhej edhe trajneri i skuadrës kombtare irlandeze Mick McCarthy (Mik Mekkarthi), i cili kishte ndjekur ndeshjen në Tiranë…

Pikërisht në ditën e shtunë që mbushi 59 vjeç trajneri i kombtares zviceriane mund të lexonte në shtypin shqiptar se si ai na qenka racist dhe prandaj UEFA i paska vënë atij dhe Federatës Zviceriane të Futbollit një gjobë prej 550 000 eurosh. Kuhn kishte treguar hapur përpara ndeshjes se si e kishte përjetuar udhëtimin që kishte bërë në Shqipëri përpara 37 vjetësh ("Një udhëtim në Mesjetë"). Trajneri i kombtares shqiptare Giuseppe Dossena (Xhuzepe Dosena) e shfrytëzoi këtë rast të volitshëm dhe u kujdes për krjimin në mediet lokale të një polemike të qëllimtë, e cila nuk kishte as këmbë e as duar.

Provokimet e këtij italiani vazhduan deri në fillimin e ndeshjes. Stërvitja gjenerale u zhvendos në minutat e fundit për në një stadium tjetër, përbërja fillestare e ekipit u shpall 40 minuta pas afatit zyrtar dhe gjatë nxehjes së skuadrave, zvicerianët u përzunë nga gjysmëfusha e tyre jomiqësisht prej shqiptarëve. Vetëm pas marrjes së barazimit nisi Dossena të tregojë mikpritje duke i dhënë Kuhn'it një kollare si dhuratë për ditëlindje. Por trajneri zvicerian do të kishte parapëlqyer dy pikë të tjera në vend të kollares.

Suplement
Futbollistet dhe trajneri zvicerian jane ankuar se albitri turk ka mbajtur anen e shqiptareve duke fishkellyer vetem kunder zvicerianeve.
Por televizioni zvicerian, ne komentin e tij thote se goli i zvicerianeve ishte ne te vertete apsajt, pasi ne momentin e goditjes se kornes portieri ndodhej perpara dhe ne porte kishte mbetur vetem nje mbrojtes shqiptar, e pas tij vinte menjehere nje futbollist zvicerian, i cili sipas rregullores ndodhej ne pozicion apsajt (kemi rastin kur lojtari qe sulmon ndodhet menjehere pas lojtarit te pare te skuadres kundershtare qe mbron porten).

(përktheu dhe solli Alvin Ekmekçiu)