Nese do te degjonim se dikush po tenton te konkuroje motorin kerkues ne internet “Google”,  mbase do ta komentonim  kete lajm jo me shume optimizen duke shprehur skepticizem. Por ne rastin e nje 18 vjecari shqiptar ne Britanine e Madhe nuk ka aspak vend per dyshime. Marsel Gashi ka marre persiper te konkuroje “Google”, duke terhequr vemendjen e investitoreve amerikane dhe holandeze te cilet i kane vene ne dispozicion 6 milion dollar per zgjerimin e projektit te tij.

I riu shqiptar eshte themeluesi motorit te kerkimit Timmp.com qe ofron 130 miliard faqe me te dhena te cilave çdo dite i shtohen nga 3 milion faqe te reja.

“Jam shume i lumtur qe ky projekt i imi ka gjetur mbeshtetjen e disa investitoreve te cilet besojne tek une dhe ky projekt”, thote Gashi ne nje prononcim per Top-Channel.

Agjencia e lajmeve ekonomike “Bloomberg” e vlereson projektin e shqiptarit si nje prej motoreve te kerkimit me te rendesishem qe ka shume se cfare te ofroje per perdoruesit. Gjeniu shqiptar i elektronikes ndjek studimet ne shkolle te mesme dhe jeton ne qytetin e Leiçesterit ne te cilin familja e tij u vendos si emigrante kur ai ishte 8 vjeç.

Qe kur ishte 14 vjeç Marsel Gashi hapi nje faqe interneti ku shiste orendi shtepiake nga e cila çdo jave fitonte 3 mije paund. Kete biznes ai do ta shiste per shumen prej 100 mije paundesh. Ai eshte edhe autor i nje libri me titull “Dream Less ein More” (enderro pak fito shume”), nepermjet te cilit kerkon te inspiroje te rinjte ne veshtiresi ekonomike.

Gashi e komenton kete liber si sekretin per te luftuar reçesionin dhe se si ne kohe te veshtira ekonomike mund te ndertosh biznese te suksesshme. Marsel Gashi themeloi kompanine e tij te pare me emer “Solution Media” qe kur ishte 14 vjeç. Nje vit me vone ai fitoni nje konkurs per te drejtuar nje program radiofonik ne nje radio lokale, ku me pas programi i tij do te arrinte nje audience prej 270,000 degjuesish. E nese qindra mijera 18 vjeçare ne Britanine e Madhe nuk e dine ende se cfare do te ndodhe me te ardhmen e tyre, per Marsel Gashin ky eshte nje kapitull i mbyllur pasi idete e tij tashme jane kthyer ne nje sukses te vertete qe vlejne miliona paund.