Van Basten Ndaj Rumanise do te jete ndeshje e vertete

Pavarësisht kësaj, jam vërtet i lumtur për këto dy paraqitje dhe shpresojmë që të vazhdojmë kështu deri në përfundim të kësaj aventure”, - thotë trajneri i “tulipanëve” pas suksesit kundër nënkampionëve të botës. Tashmë që Holanda është matematikisht e kualifikuar, Italia dhe Franca i tremben një lëshimi në sfidën e fundit të skuadrës portokalli kundrejt Rumanisë së Viktor Picurkës, ku fitorja e këtyre të fundit do të skualifikonte skuadrat e Donadonit dhe Domenekut, pavarësisht rezultatit që kjo sfide mund të dhuronte. Megjithatë, Van Basten siguron: “Kundër Rumanisë do të luajmë për të fituar. Ndeshjen ndaj tyre do ta përgatisim në të njëjtën mënyrë, siç kemi bërë edhe ndaj Francës dhe Italisë”, përfundon trajneri i përfaqësueses holandeze, Marko Van Basten.