Kapiteni i Çelsit, Xhon Terri, është kthyer në objekt batutash për atë që ka bërë pas finales së Ligës së Kampioneve të fituar nga skuadra e tij me penallti përballë Bajern Mynih. Kapiteni i Çelsit ishte i pezulluar për këtë sfidë, por sapo Drogba ka shënuar penalltinë vendimtare, ai është ndërruar nga veshja “civile” në kompletin e zakonshëm sportiv, përfshirë edhe mbrojtëset e kërcinjve, për të marrë medaljen dhe për të ngritur lart trofeun. Por përfshirja e tij në ceremoni megjithëse nuk kishte marrë pjesë në sukses, është bërë objekt kritikash dhe shprehja “të bësh si Xhon Terri” është kthyer në një objekt batutash.
“Parada e Çelsit u anulua pasi Xhon Terri desh t’i zinte vendin shoferit të autobusit” dhe “Drejtuesit e Uimbëlldon kanë lajmëruar zyrtarisht se nuk do të lejojnë Xhon Terrin të ngrejë kupën nëse Endi Marrei fiton turneun”, ishin dy nga batutat që kanë qarkulluar më shumë në internet gjatë ditës së fundit. Në të njëjtën kohë, në internet është shfaqur “albumi i kujtimeve” i kapitenit të Çelsit, ku ai merr pjesë në ngjarje historike. Nga zbritja në hënë, te dasma mbretërore, Xhon Terri është kudo protagonist.
“Parada e Çelsit u anulua pasi Xhon Terri desh t’i zinte vendin shoferit të autobusit” dhe “Drejtuesit e Uimbëlldon kanë lajmëruar zyrtarisht se nuk do të lejojnë Xhon Terrin të ngrejë kupën nëse Endi Marrei fiton turneun”, ishin dy nga batutat që kanë qarkulluar më shumë në internet gjatë ditës së fundit. Në të njëjtën kohë, në internet është shfaqur “albumi i kujtimeve” i kapitenit të Çelsit, ku ai merr pjesë në ngjarje historike. Nga zbritja në hënë, te dasma mbretërore, Xhon Terri është kudo protagonist.
