Regjistroni domainin tuaj .al

Zbulohet ne Gramsh ujevara e Sotires, nje perle e natyres

Shkruar nga:  
Postuar më: 2 vite më parë

Zbulohet ne Gramsh ujevara e Sotires, nje perle e natyres
Zbulohet ne Gramsh ujevara e Sotires, nje perle e natyres

Zbulohet ujëvara e Sotirës në Gramsh. Një nga perlat e natyrës ka nisur të eksplorohet nga turistë vendas e të huaj. Ajo ndodhet rreth 60 kilometra larg Gramshit dhe për të arritur në zonën e ujëvarës duhet të ecësh më shumë se dy orë më këmbë. Emrin Sotirë e ka marrë nga fshati ku edhe ndodhet ujëvara, që dikur ka qenë me 120 shtëpi, ndërsa sot vetëm 20 prej tyre janë të banueshme.

Dikur ujëvara 100 metra, që buron nga mali i Tomorit, vizitohej kryesisht nga banorët e Gramshit dhe zonave përreth për shkak të infrastrukturës së keqe. Ndërsa sot, një rrugë që ka nisur të shtrohet, do ta bëjë këtë zonë të virgjër të natyrës një pikë turistike me vlera të mëdha për vendin. Ka qenë iniciativa e trajnerit të alpinizmit në Elbasan, Artur Guni, i cili nëpërmjet rrjetit social “Facebook”, i ftoi të gjithë adhuruesit e natyrës t’i bashkohen eksplorimit të kësaj zone të mrekullueshme. Ftesës iu bashkuan 160 të rinj e të reja, një pjesë e të cilëve të huaj. “Ishte një eksplorim i mrekullueshëm, një bukuri e rrallë, një qetësi që rrallëherë njeriu e gjen në momente të caktuara”, u shpreh Guni.

Të njëjtin mendim ndan dhe Franka, e cila ka ardhur enkas nga Italia për këtë eksperiencë. Në këtë zonë do të nisë edhe ndërtimi i një hidrocentrali, çka do të mundësojë edhe shtrimin e rrugës. Fshati i Sotirës ndodhet në fund të Gramshit, në kufi me Kuçovën, një zonë e pashkelur ende, e panjohur deri tani, por tashmë kjo ujëvarë shumë shpejt do të ftojë rreth saj pushues të shumtë, për nga vetë relievi malor dhe i rrethuar me lëndina. Kështu shprehen vizitorët apo turistët që eksploruan këtë zonë dhe bënë të njohur një perlë të natyrës shqiptare.

Regjistroni domainin tuaj .al

Reklamat

Pronat e Fundit


  • domain shqiperia

Video

Lajm dhe tema t nxehta

AKTUALITET

TEMA TË NXEHTA

Albforumi