Ai ishte zotuar se do të hiqte dorë nga lojërat e fatit me hyrjen e vitit 2012. Siç ndodh zakonisht kur njerëzit marrin vendimin për të hequr dorë nga një ves, ia ka blerë biletën e fundit. Kjo ka rezultuar fatsjellëse për atë pasi ka bërë që të fitojë plot 1 milion dollarë.

Javier V. jeton në Kaliforni, SHBA dhe kishte blerë biletën në një fast-food. Kur e pyetën se çfarë do të bëjë me këto para që fitoi ai përgjigjet: “Në të vërtet nuk e di pasi akoma nuk e besoj që i kam fituar”. Edhe 14 persona të tjerë do të fitojnë një çmim të tillë në lotarinë që zhvillohet në Kaliforni. 5 000 dollarë ka marrë dyqani ku u shit bileta fituese. Lotaria ku Javier fitoi 1 milion dollar quhet “The 250 milion Cash Spectacular” dhe një biletë kushton 10 dollarë. Ajo është e ngjashme me lojën që luhet edhe në Shqipëri “Gërvisht dhe Fito”.