Dhe kur botuesit para stendave te librit te thone keshtu, mund te lexosh ne syte e tyre se nuk eshte fjala per mungese shitjeje librash, qe, gjithsesi, jane me ulje 20-50%. Ne duam, te thone ata, qe femijet te bien ne kontakt me librin. Dhe kushdo qe ka pasur rastin te preke me dore librat qe botohen sot ne Shqiperi, do te vereje nje rritje cilesore te botimeve per femije te te gjitha grupmoshave, vecanerisht ata botime diturore dhe enciklopedike qe perkthehen ne gjuhen shqipe dhe shtypen jashte vendit. Eshte nje teknologji bashkekohore mjaft e sofistikuar per ta bere librin vertete nje mik te madh per lexuesit e vegjel. Kur te rriturit i lexojne keta lloj botimesh, te thone te stendat e shtepise botuese EduAlban, qe eshte e specializuar vetem per femije te moshave parashkollore dhe te klasave te uleta te 9-vjecares, shpejtojne ta blejne per femijet e tyre. Edhe cmimet nuk jane shume te larta per ate lloj botimi qe vjen me leter te shtrenjte dhe tipografi krejtesisht te vecante. Ne keta botime, qe nuk kane shume kohe qe kane filluar te eksperimentohen ne vendet me te zhvilluara te Evropes, femija e gjen veten si ne nje loder didaktike. I thame keto fjale te merituara per botimet per femije te librave ne gjuhen shqipe, per te ngritur nje problem qe eshte shume me i lehte per t’u zgjidhur, si eshte propagandimi i veprimtarive te tilla per femije, duke mos e kursyer kritiken edhe per ne te medias qe pak e aspak i kushtojme vemendje librit per femije, mikut te madh te femijeve te vegjel.
Tonin Cobani - Gazeta Koha Jone
