Filmi Shqiptar nje jave ne Athine

Një nismë e Bujar Alimanit, regjisorit shqiptar që prej vitesh jeton në Greqi, ky aktivitet ka gjetur mbështetjen edhe të Qendrës Kombëtare Kinematografike shqiptare dhe asaj greke, si dhe Ambasadës Shqiptare në Athinë.

Ditët e Filmit Shqiptar në Athinë do të çelen më 24 maj në "Trianon Filmcenter Cinema" (Kodriktonos 21 & Patision 101) në orën 19.00. "Gjoleka, djali i Abazit" me regjisor Dhimitër Anagnostin është ai që do të ngrejë siparin e shfaqjes së filmave, në orën 21:00 të kësaj date.

Ndërkohë që ditët në vijim do të shfaqen një sërë filmash shqiptarë të metrazheve të ndryshëm.

"Ditët e Filmit Shqiptar në Athinë" është një aktivitet, i cili organizohet për herë të parë pas viteve '90.

Në këtë aktivitet marrin pjesë me filmat e tyre një pjesë e mirë e regjisorëve shqiptarë duke filluar që nga ata më të hershmit, si: Viktor Gjika apo Dhimitër Anagnosti. Për të vijuar në emra regjisorësh pak më të rinj, por të njohur, si: Edmond Budina, Gjergj Xhuvani, apo Fatmir Koçi.

"Java e filmit shqiptar në Athinë do të mbyllet me filmat e Saimir Kumbaros "Lira" dhe atë të Artan Minarollit "Nata pa hënë". Ndërkohë që gjatë ditëve të festivalit i është kushtuar një minutazh i veçantë edhe një "master class"-i nga Abaz Hoxha, "Kinemaja shqiptare".

Programi

25 maj

Edeni i braktisur- Eno Milkani

Nusja dhe shtetrrethimi- Kristaq Mitro, Ibrahim Muça

Ura- Artur Muharremi

Metamorfoza-Artur Dauti

Tuneli- Ilir Butka

Vitet e Pritjes- Esat Mysliu

26 maj

Koha moderne-Artan Maku

Rituali-Albert Malltezi

Skëterrë 43- Rikard Ljarja