Ne vijim te nje korrespondence me te nderuarin z.Agim
Doçi persa i perket temave Historike qe ne trajtojme
ne shqiperia.com morem dhe emailin me poshte i cili trajton
ne menyre te plote dhe te mbeshtetur sakte prejardhjen e
emrit "Ballkan" qe edhe me pare eshte trajtuar
ne faqen tone ne formen e nje hipoteze nga z. Nezir Myrta.
Falenderojme z. Daçi per materialin dhe per gatishmerine
e tij ne mbeshtetjen ne te ardhmen me te tjera materiale.
I nderuar "webmaster,"
Postën e hapa sot në mëngjez, dhe nga të
gjitha mesazhet e ardhura, atë që lexova të
parin me kënaqësi, ishte ay i ardhuri nga ana
e Juaj. Po ua dërgoj përsëri materialin,
që bën fjalë për gadishullin ballkanik,
i cili deri në kapërcyell të viteve 1780
quhej Gadishulli Ilirik. Emrin e ri, e ka marrë nga
fakti që popujt grindavecë dhe sherraxhinj të
këtij gadishulli në këmbë të maleve
të shteteve të tyre, copëtuar sipas orekseve
të fqinjëve, ushqenin "male inatesh"
midis tyre(!). Pra shqiptarët, mbanin në bark
një "mal inati" për serbët, grekët
një "vargmal inati" kundra nesh, ndërsa
serbët "alpe inatesh" kundra shqiptarëve
- pasardhësve autoktonë të ilirëve të
lashtë. Një vizitor që vjen për herë
të parë në këtë gadishull, has
edhe në bisedat e thjeshta me "ballkanasit"
mllefe dhe inate pathollogjikë. Akademitë sllavo-greko-italiane,
kanë shkruar me shkathtësi për shqiptarët
e egjër, por historia shekullore tregon se në
këtë gadishull i vetmi popull që nuk i ka
shpallur luftë kurrë fqinjëve, por vetëm
ka mbrojtur trojet e veta ka qenë populli ynë(!)
Mirëpo, nëse akademikët e vendeve fqinjë
kanë qenëtë shkathët, "akademikët"
tanë me një servilizëm internacionalist,
as nuk kanë marrë mundimin të informojnë
publikun europian se ku janë kufinjtë tanë
dhe kush janë ardhanakët. Sa keq!
Ja një fakt: në vitin 1959 kur do të vinte
N.S. Hrushovi në Shqipëri, akademikët servilë
shqiptarë shkruanin në "ZP" një
artikull me titull "Miqësia tradicionale me popujt
sllavë", ku për të vërtetuar këtë
"miqësi" jepnin si fakt që KUMONA (këmbora)
e kishës së VUNOIT (fshat që nuk flet askush
greqisht) na paska qenë dhuruar nga Ekaterina e Rusisë(!!!)....E
vërteta është se 300 çupa të
bregdetit shqiptar kanë prerë gërshetat e
tyre (bjondë) duke ua shitur artistokracisë ruse
(për parruket e tyre) dhe me ato rubla e kanë
blerë KUMONËN (këmborën)! Njëkohësisht
duke shitur bile edhe kënà (baltë e kuqe
tipike e bregdetit tonë) që të lyenin leshrat
knjazët dhe knjazeshat ruse. E shikon pra sa turp?!
Unë do të ju shkruaj vazhdimisht, sepse Ju jeni
SHQIPËRIA!! Ndoshta kemi rrugë të gjatë
për të bërë sëtoku! Shpresoj dhe
premtoj! Temat historike apo ato kulturore unë i lëvroj
me kënaqësi dhe në arkivën time modeste,
kam fakte befasues. Do të ju rekomandoja që të
merrnit edhe nga profesor Myslym Islami, apo prof. Pal Doçi
që rastësisht është dhe xhacxhai im
(por që ka një "minierë" arkivore).
Duke qenë mik personal i I. Kadaré-së,
dhe "dhurues" i subjektit të romanit "Prilli
i thyer"(disponoj vërtetim me nënshkrimin
e Kadaresë që A. Doçi më ka dhuruar
subjektin e "Prillit të Thyer"), njëherit
si një nga njohësit më të apasionuar
të KANUNIT TË MALEVE, (jo më i përgatitur
sesa Pal Doçi dhe prof. Aurel Plasari), mendoj të
çelim një rubrikë interesante me titull:
"KANUNI në muzeum - LIGJA në fuqi!".
Për sot kaq! Më ktheni përgjigje Ju lutem
sa më parë, dhe kjo do shërbejë si nxitje
për të komunikuar më tej!
Vëllazërisht e sinqerisht Agim Doçi
ARKIVAT BOTËRORE
PËR PROBLEMIN
SHQIPËTAR.
Për herë të parë përmendet ne 1808
nga gjeografi gjerman A.Zeune (cojne),emri i gadishullit të
Ballkanit. Vjen nga turqishtja "ballkan-mal inati."
Mendojeni se sa dashamirës janë për njëri
tjetrin ballkanasit ?
- Në vitin 1875 në Botimin e nëntë të
Enciklopedisë Britanike si dhe në "Times"
të Londrës 1878 nuk përmendet kurr Gadishulli
Ballkanik,por Gadishulli Ilir (!) Nuk përmendet as në
Fjalorin e Përgjithshëm Enciklopedik të shkruar
në Paris më vitin 1879 nga Vivien de Saint Martin
por përsëri gadishulli ilir.
- Studiuesi për Bizantin BURY - anglez përherë
e përmend Gadishulli Ilir Nga del pra KOSOVA që
qënka e serbëve kur pasardhësit e ilirëve
jemi nè dhe vetëm nè.
- Në Vjenë më 1913 një studiues kroat
Millan Shuflaj shkruan tek vëllimi i parë "Acta
et Diplomata res Albaniae mediae actatis illustrantia "
që të gjitha informacionet për këtë
vend e për këtë komb na i japin vetëm
armiqtë e Shqipërisë¨...(!)
- Ka nga shkrimet e normandëve të lashtë se
kur erdhi në brigjet e Shqipërisë Robert Guiskardi
, përdorej e shkruar gjuha shqipe ! Si neglizhentë
të tillë shqipëtarët janë të
vetmit popuj të lashtë të europës juglindore
që nuk kanë as monumente kulture dhe as arkiva kombëtare.Një
dorë tepër tinzare i ka plaçkitur ato ! Ndërsa
të shkolluarit shqipëtarë kanë punuar
përherë jashtë teritorit etnik të saj
dhe kanë shkruar gjithmonë në gjuhë të
huaj (!) Estienët - familja e shquar e filologëve
francezë është me origjinë shqiptare siç
është dhe Koçi Bej - "Monteskieja i
osmanëve " nga Korça (!)
Ky informacion na vjen nga studiuesi i shquar gjerman Franz
Babinger në vitin 1927 tek " Die Geschichtsschreiber
der Osmanen ," botuar në Leipzig (fq.184).
- Fatkeqësisht në kapërcyell të viteve
1918 kur përfundoj Lufta e Parë Botërore ,
Sekretari i Shtetit Amerikan asokohe zotri Robert Llansing
kishte përshtypjen se Shqipëria ndodhej diku në
Amerikën e Jugut .(!)
- Wiliam Shakespeare skenën më të bukur të
komedisë së anglezëve "Nata e dymbëdhjetë
" e vendos në ILIRI .
- Në vitin 1913 kur në dhomën e lordëve
u pyet delegacioni shqipëtar djallëzisht : - ja
po u japim të drejtë të qeveriseni, po çfarë
do eksportoni që të paguani shpenzimet e qeverisë
suaj ? Dikush u përgjigj me ironi : - Gurë ! Ejani
vizitoni Shqipërinë të shihni se sa vend i
begatë është !?...( arrogancë kur dihen
pasuritë tona). Mbajmë vendin e dytë në
botë për rezervat e kromit(!).
- Në Londër më 1927 boton Paul Edmonds "
To the land of the Eagle " ku Shqipëria atnike quhet
"kopështi shkëmbor i Europës Juglindore
" thotë : Zotërinj të nderuar në
Fushën e Martinajve që etimologjia sërbe e
quan Triepçe - të Kosovës prodhohet 24.37
% e arit europian .
- Po në vitin 1927 në Shtutgart Hartografi Gjerman
Herbert Louis e krahason Shqipërinë me Kaliforninë
e Jugut .Bregdetin e saj perlë .
- Në vitin 1813 Lordi Brauton - mik i Lord Bayron me
emrin Jacobs Hobhouse, boton " A Jorney through Albania
" ( vëll .I fq.137 ) tekstualisht që: Kultura
e shqipëtarëve mund ti kishej zili dhe nga europianët
më të qytetëruar .
- Ndërsa, ja se çfarë shkruan zonja Edith
Durham në 1920 tek: "Twenty Years of Balkan Tangle"
apo në vitin 1905 tek
"The Burden of the Balkans" , ( fq.,124 dhe fq.217
respektivisht krahasohet ky vend e ky popull me Uellsin e
Veriut (!)
- Kur dihet shovinizmi i Kishës Ortodokse Sllave - Jyrien
de La Gravierë na sjell tek "La station du Levant"
në vitin 1876 vëll II.fq.89 lluksin e mentalitetit
shqipëtar duke shkruar " ...Kombësia i bashkon
shqiptarët shumë më tepër se sa i ndan
feja ."
- Ndërsa Hobhouse në f1q.147-148 të "
A Jorney through Albania" na bën të ditur se
nga viti 1878 deri më 1920 ( Lidhja e Prizrenit dhe Pushtimi
Italian ) ,grekët e serbët pretendojnë se nuk
ekziston kombi Shqipëtar (!) ... Fuqitë e Mëdha
kanë qeshur me ta. Biles një diplomat europian i
pyeti :- a ka dallim kisha greke nga kombësia greke,
apo kisha sërbe nga kombësia sërbe ?..."
- Në vitin 1914 Weadham Peacock tek vepra e vet "Albania
: The foundling State of Europe" ,(fq.177) na bën
të ditur : " Vetëdija europiane e njeh kombësinë
shqipëtare.Por ndërmjet sllavëve dhe tyre ka
disa shekuj hakmarrjeje.Shqiptari e sheh sllavin si pushtues
dhe grabitës. Ndërsa sllavi e sheh shqiptarin si
njeri të padëshirueshëm. Duke patur një
përparsi tepër të çmuar që sllavi
është treguar më i shkathët në shkrimet
e veta, ndonse ka ardhur në mes shekujve VII e XI-të,duke
e gjetur shqiptarin autokton(!),e konsideron shqiptarin si
bandit dhe grabitës të fshatrave sllave ( !) .Në
fakt -vazhdon autori - tjetër kush e ka mizën nën
kësulë ..."
- W.M.Leake në vitin 1804 boton në Londër
"Travels in Northern Greece" ( vëll.I.fq.43
) që " Ndrysh nga kombet e tjerë të gadishullit
që dallojnë thellësisht besimin fetar,shqipëtarët
nuk thonë as jemi turq,as jemi të krishterë
, por thjeshtë e prerazi jemi shqipëtar ! Sa dinakëri
treguan Akademia e Beogradit , çupriloviqët ,
e rankoviqët kur dëbuan 500 mijë shqipëtarë
gjoja se ishin turq në vitin 1956 ¨.
- Kleriku i Lartë i Kishës Angleze Hirësi
e Tij T.S.Hughes na shkruan në veprën e vet "Travels
in Greece and Albania" (bot.2.vëll.II.fq.108 Londër
1830 ) se Burrat më të Mëdhenj të Turqisë
janë me origjinë shqipëtare(!).
- Historiani i Kryengritjes Greke Xhorxh Finlej pasi analizon
karateristikat dhe cilësitë e shqipëtarëve
në krahasim me fqinjët e vet na tregon tek "Histori
of Greece " (bot.Oksford 1877 vell.VI.fq.31 ) se Shqiparët
e donin të vertetën dhe ishin të ndershëm
.
- Në librin e vet "Turkey and ist People"
Edwin Pears bot.2 fq.167 në Londër vlerson 5 cilësi
të shqipëtarve që janë: PAVARËSIA,KALORSIA,MIRËSJELLJA,TOLERANCA
dhe BESNIKËRIA Shqipëtarët nuk janë turma
dhe as primitivë !
- Lexoni në revistën "ALBANIEN" botuar
më 1927 në Shtugart ku Herbert Louis na citon: "Në
Shqipëri nuk ka masa indiferente.Atje çdo individ
është i gatshëm të marrë nismë
të fuqishme. Shqiptari e ka ndjenjën e vetëbesimit
më të fortë se çdo gjë !..."
Sa bajate dhe e pakripë,sa e ndryshkur dhe e mykur tingëllon
ajo që ligësia e diplomacisë shovene e arrogante
i quan shqipëtarët si "të pa zot për
tu vetëqeverisur " .
PSE LAKMOHET KOSOVA!?
Pasuria e saj është sipas shifrave të mëposhtëme
të marra nga burimet e sigurta të Europës.
Pb dhe Zn rreth 75.2% të Europës (50 miljon ton)
Au, Argj, 100% të ishjugosllavisë
Galium, germanium. Talium, selen, telur (20% të arit
në botë)
20 miljon ton Nikel.
7 miljon ton mangan, borr, zhivë, barit, azbest dhe mikë.
Rreth 1.200 t/vit x 1200 usd/toni= 8.400.000.000. usd/vit
kjo e barabartë me 12 fishin e borxhit kombëtare
prej 600 miljon usd të Firmave piramidale.
450 mijë hektarë pyje!
24 vjeç mosha mesatare. Mbi 5 fëmijë për
çdo familje!
Vrasjet e linçimet në Kosovë dy fishuan vdekshmërinë
në 90 vetë për 1 mijë banorë kur
ishjugosllavija e kishte 40 vetë/1 mijë banorë.
260.ooo vetë papunë!
1914 u vran¨60 mijë vetë. dhe u vendosën
60 mijë kolonë serbë.
Grabitën 200.000 hektarë tokë.
Më 1941 u përzunë 250.ooo shqiptarë drejt
Azisë e Turqisë!
Nuk duhen harruar!
Komitetit i Mbrojtjes Kombëtare të Kosovës
1918 -1924 me pjesmarrjen:
· Azem dhe Shota Galica
· Idris Seferi
· Mehmet Konjuhi
· Ramë Vllasa
· Sadik Rama
· Mullah - Agan Kaja
· Keri i Sadri Bardhit
· Isë Boletini i Isniqit
Efektivi i trupave për liri:
· Djelmnia e Shalës me në krye Mehmet Shpendin
32.ooo luftëtarë.
· Trupat e isë Boletinit 72.000 luftëtarë
· Më 1920 u fitua beteja e Llapit!
· 1923 u çlirua Drenica e Zagorthi
· Më 1933 mbas 10 vite lufte arriti Sërbia
të vendosë thundrën e vet duke djegur e shkaktrruar.
· Më 8 shtator 1943 u firmos dhe u vendos Pakti
i çlirimit të Kosovës Shqiptaro - Gjerman,
por pllakosën brigadat e kuqe, u masakruan 5.000 në
Tivar dhe 3.000 në Gjilan.(Lexoni testamentin historik
të Shaban Haxhi Pacit (Demaliaj) komandant i brigadës
së 7 shqiptare, ku tregon tradhëtinë e komunistave
shqiptarë duke e lënë Kosovën në
duart e serbëve)
Përmblodhi Agim Doçi
|