 |
|
|---|
 |
|
||||||||||||||
|
|
|
Anduela NIKA Deri me sot, askush nuk kishte mundur te "sfidonte" gegerishten e Fishtes tek "Lahuta e Malsise". Madje dhe ne te vetmen here qe u tentua (ne fillim te viteve '40), rezultati ishte zhgenjyes. Versioni gjermanisht i "Lahutes" linte shume per te desheruar dhe perkthyesi u gjend perballe nje kryevepre te veshtire per tu sjelle ne nje gjuhe qe nuk ishte shqipja. Kur kane kaluar me shume se 60 vjet nga ajo kohe, nje tjeter pene e perkthimit e vendos veten ne pjaten e peshores, koshient qe per te ekulibruar "gurin" e Fishtes duhet te beje mrekullira me fjalet. Sfidanti kete here mban emrin e perkthyesit te njohur kanadez Robert Elsie. Nje figure e njohur, qe ka mundur te percjelle ne bote, letersine elitare shqipe. Dy gjuhet nga e cila e perkthen shqipen Elsie, jane anglishtja dhe gjermanishtja. "Kam tre vjet qe punoj per perkthimin ne anglisht te 'Lahutes se Malsise'. Per momentin eshte nder prioritetet e mia. Edhe pse me duhet te pranoj qe eshte e veshtire dhe duhet punuar me shume kujdes, perndryshe e gjithe puna voluminoze shkon dem", tregon kanadezi Elsie, ne nje shqipe te rrjedhshme. Pas "Eposit te Kreshnikeve", Elsie do te risjelle ne vemendjen e lexuesve te huaj, "Lahuten e Malsise". "Perpiqem t'iu tregoj botes figura te njohura te letersise shqipe, sic eshte dhe Fishta. Pasi vetem permes tyre mund te perfaqesohet denjesisht letersia shqiptare", ve ne dukje perkthyesi, i cili pervec Fishtes do te botoje ne anglisht dhe autore te tjere si Visar Zhiti e Azem Shkreli. Pak kohe me pare ai ka botuar ne anglisht "Fjalorin Historik te Kosoves", i praprire nga ai per Shqiperine. "Keto jane dy botime shume te dashura per mua, edhe pse tani do te preferoja me shume te merresha me perkthime letrare, pasi vepra te tilla si kjo e Fishtes jane shume te veshtira per tu perkthyer mire, duke mos humbur formen e tyre origjinale, per te cilen kane marre dhe vlera". Robert Elsie eshte nder dy perkthyesit e vetem, qe kane marre persiper te perkthejne nga gjuha shqipe ne gjuhen angleze. Pasi ne pjesen me te madhe veprat letrare te autoreve shqiptare perkthehen nga nje gjuhe e dyte, sic mund te jete frengjishtja apo gjermanishtja. "Kjo vjen nga mosnjohja e shqipes dhe prandaj eshte e lehte per ta, qe ta perkthejne Kadarene, pershembull nga frengjishtja", pohon per "Korrieri", Robert Elsie. Nje njohes i shkelqyer i gjuhes shqipe, kultures dhe traditave te saj, qe ka marre persiper te prezantoje ne bote artin e letrave shqipe. Dhe kete ka nisur ta beje me perlat e saj, duke i ruajtur shkelqimin dhe bukurine natyrale. Robert Elsie (gjuha amtare anglisht), ka njezet vjet pervoje si perkthyes konferencash. Ka punuar per ministrite e te ndryshme te Qeverise Gjermane, Kombet e Bashkuara si dhe per organizata nderkombetare kudo ne Evrope dhe eshte anetar i Bashkimit te Interpreteve prane Federates gjermane te Interpreteve dhe te Perkthyesve (BDÜ). Ai ka perkthyer per kryetaret e shtetit dhe te qeverise, per bisedime nderqeveritare te nivelit te larte si dhe per industrine. Pas tete viteve si nepunes ne Ministrine e Puneve te Jashtme te Republikes Federale te Gjermanise ne vitet tetedhjete, ai punon tani ne menyre te pavarur (freelance), para se gjithash per: shqip-anglisht-shqip; shqip-gjermanisht-shqip; gjermanisht-anglisht-gjermanisht. Robert Elsie eshte gjithashtu nje perkthyes letrar me pervoje, ne menyre te vecante per: shqip-anglisht; gjermanisht - anglisht
Korrieri
|
Faqe në rrjetin tonë: 
 |
 |
Copyright © 2008 ShqiperiaCom. Të gjitha te drejtat e rezervuara. Kompania | Konfidenca | Vende Pune | Reklamo tek ne | Adresa |