|
|
include ("http://www.shqiperia.com/reklama460.php");
?>
Kënga mjekon plagët e mallit për
atdheun e munguar
"Sounds of Splendor", nata magjike e këngës shqiptare
Nga Dalip Greca
Eli Fara, Aurela Gaçe, Remi duke kënduar
sëbashku me Inva Mulën, Ardit Gjebrean dhe Pirro Çakon |
Emrat e njohur të muzikës shqiptare mezi ishin pritur jo vetëm
nga shqiptarët që jetojnë në New York e New Jersey,
por edhe nga ata të shteteve të tjera. Në sallë do
të gjeje edhe nga Detroiti, Bostoni,
Virginia, Philadelphia, madje dhe nga Chicago. Dhe askush nga ata që
ishin në sallë, nuk u pendua.
Për më shumë se dy orë e gjysëm, salla (publiku)
dhe skena (këngëtarët) u bënë njësh, të
bashkuar emocionalisht.
Ndërsa prezantuesja Debra Rath, ka filluar paraqitjen, salla e
mbushur cep më cep, buçet nga thirrjet dhe brohoritjet për
Inva Mulën, divën e muzikës, shumë të njohurën
e skenave e botërore.
Dalja e Invës në skenë e ngriti ne këmbë sallën.
Ndërsa spektatorët që ishin në ballkon të ngritur
në
këmbë, dukej sikur kërkonin që të zvoglonin largësinë
mes skenës dhe vendndodhjes së tyre. Me duart e
ngritura lart, ata brohorisnin sopranon me begraund botëror, e cila
jo shumë kohë të shkuara, por në mesin e dhjetorit
të vitit 2002, pat korrur duartrokitjet e spektatorit të përzgjedhur
londinez, madje jo vetëm në një koncert, por në tre
radhazi. Shtypi britanik e pat vlerësuar të suksesshëm
rolin e Violetës në
operan"La Traviata" të luajtur në Teatrin Mbretëror
të Operas në Londër (Royal Opera House).
Inva, ashtu florishente, del përballë spektatorit, dhe zëri
i saj brilant ka përcjellë "Diva Dance"…
Salla dukej se do ta kishte të vështirë nga shtërngata
e duartrokitjeve këtë natë magjike, ku mrekullia e ka emrin"Inva".
Artistja jonë e mrekullueshme, edhe pse është zotëruese
e emocioneve, edhe pse ka kënduar përkrah tenorit të famshëm,
Placido Domingo, e ka ca të vështirë sonte përballë
bashkatdhetarëve të vet.
Ajo e ndjen se për të ngritur urën e komunikimit sallë-skenë,
duhet t’u thotë diçka bashkeatdhetarëve mërgimtarë.
Dhe flet thjeshtë, jo si personazh i skenave botërore të
Parisit, Londrës, Milanos, Chicagos, por si shqiptare, si ne që
jemi ulur aty në sallë.
- Të jeshë këtu në New York, dhe të keshë
përballë dhe rreth vetes artdashësit shqiptarë, është
kënaqësi e veçantë. Do të dua që kjo natë
të jetë e jashtëzakonshme, të jetë një festë…
Dëshiroj t’ju kënaq me fuqinë e këngës…
Dhe që gjithçka të jetë e tillë, nuk do të
doja kufij mes sallës dhe skenës…Fjalët mezi formojnë
fjali nga emocionet dhe duartokitjet, nga thirrjet që pushtojnë
sallën.
Pikërisht nën furinë e brohoritjeve, ajo fton në skenë
shokun e vet të fëmijërisë, bashkshortin, Pirro Çako.
Dhe nga ky moment, kënga shqipe do të merrte në krahët
e saj, si një shqiponjë e stërmadhe tërë sallën,
që këtë natë flet dhe ndjen shqip. Do të ishte
kënga"Mall" e ndërtuar mbi tekstin e shkrimtarit tonë
të njohur, Ismail Kadare, një ndër krijimet e para të
kompozitorit Pirro Çako, që do ta fuste sallën në
një qetësi topitëse e ëndërrimtare.
Invës do t’i duhej më pas që të prezantonte
për të kënduar solo, bashkëshortin e saj Pirro Çako,
i cili para se të niste këngën ndjenë domosdoshmërinë
e komunikimit shqip me spektatorin: Fjalët janë të thjeshta,
emocionet drithëruese:
- Ishte ëndërra im që të jepja diçka nga vetja
për mërgimtarët shqiptarë në New York. Ja sonte
jemi bashkë. Megjithëse salla është zhytur në
errësirë, fizikisht nuk ju shoh, por me zemër e ndjej se
aty janë shumë sy të njohur. Do të dëshiroja
që pas koncertit të takoheshim, të çmalleshim të
kujtojmë kohën dhe njerëzit…
Kënga që ka zgjedhur është një këngë
homazh që na çon ndërmend "Dorkën",
shkrimtarin, gazetarin, poetin, Teodor Keko, mbi poezinë e të
cilit është ndërtuar kënga"Xhulit", të
cilën Pirro e ka kompozuar kohët e fundit dhe e ka kënduar
për të parën herë në koncertin e madh kushtuar
Krishtlindjeve, koncert që u dha në Tiranë më 25 dhjetor
, ku personazhet e mëdhenj ishin po këta të tre që
kishim këtu në New York: Inva Mula, Pirro Çako dhe Ardit
Gjebrea.
"Kënga Kalabreze", tingujt e së cilës do të
magnetizojnë sallën, Inva ia kushton mikut arbëresh, doktor
Santos, të cilin e ka njohur një vit më parë në
New York. Ndërsa Pirro, me këngën "Shpresë"
përcolli
mesazhe shprese për ata që kanë humbur shpresën, për
t’ia lënë më pas një dueti, ku së bashku
me Invën, interpretuan këngën "Për një çast
më ndali zemra".
Duartrokitje të pandërprera mori interpretimi i Invës "Mon
Amour" si dhe kënga "Valësi i lumturisë".
Për këtë të fundit Inva para interpretimit u shpreh:
Kjo këngë është kompozuar nga babi im, kur unë
s’kisha lindur. Kjo këngë e shoqëroi jetën bashkëshortore
të prindërve të mi. Do ta këndoj për t’ju
kënaqur ju.
Edhe kënga "Ylli im" interpretuar nga çifti Mula-Çako
përcolli emocione në sallë.këtu, çifti Mula-Çako,
largohen të përcjellë nga breshëri duartrokitjesh,
për t’ia lënë vendin surprizës pasuese...
Tingujt e këngës "Jon" do të krijonin një
tamosferë tjetër në sallë, ndërsa shfaqja e Ardit
Gjebresë në
skenë do të pritej me një shpërthim të fuqishëm.
Nën fashat e holla të dritës të një projektori
që ndriçon
zbehtë pamjen e këngëtarit, errësira që mbretëron
sallën e ka të vështirë komunikimin. Perdja e errësirës
ëshët pengesë që ai e ndjen dhe për një
çast e vuan....Dhe Arditi kërkon nga personeli amerikan i
sallës hapjen e dritave, qoftë dhe për një çast
të vetëm. Dritat shkëlqejnë sallën dhe salla
shpërthen.
Nga ky moment deri në fund nuk kishte më qetësi në
sallë. Zëri melodioz i këngëtarit brilant do të
shoqërohej në kor. Tani koncerti ka tjetër ritëm,
duket se gjithçka vrapon, endet brenda sallës dhe kufijtë
mes skenës e sallës janë shkrirë repertori i zgjedhur,
ku mbretëron lirizmi dhe një ndjenjë malli e magjepsin
spektatorin, e cila dallëgëzon nga radhët e shikuesve të
ngritur në këmbë që vallëzojnë sipas ritmeve
të këngëve....…"Jon", "Makina e Memories"
e "Vargje për vete" , "Xhinxhile", pasohen nga
një këngë e re, që Arditi e këndon enkas për
spektatorin e kësaj nate. Është një këngë
e re që do të jetë në tërësinë e këngëve
që do të përbëjnë diskun e ri të Gjebresë.
Ai ulet në piano dhe nis të këndojë këngën
"Ti , prapë do të kthehesh tek unë…". Pasi
rreshtin duartrokitjet, këngëtari aq i njohur dhe prezentator
spektaklesh, komunikon shpirtërisht me sallën:
- Ndoshta , fizikisht e keni të vështirë që të
ktheheni në atdhe, pasi këtu keni ngritur një jetë
tjetër, por shpirtin lereni "peng" atje, ku keni lindur….
Thirrjet miratuese shoqërohen nga duartroktitjet dhe kënga që
ka radhën përcjell mesazhin e shpirtit "peng" ...Këngët
s’kanë të mbaruar. Kënga "Të dua"
me tekst të Andi Bejtes e kompozuar nga vetë autori,
sjell një tjetër atmosferë intime në këtë
mbrëmje, ku shpirtrat zbusin dhimbjen përmes këngës
të kënduar
shqip… Dhe pastaj ca vargje të njohura, që drithërojnë
sallën: "Asnjë lajm, asnjë…". Kënga
bëhet pronë e spektatorëve…Ndërsa kënga
"Havale" e ka ngritur në këmbë të tërë
sallën, lart në ballkon, gati të gjithë janë
ngritur në këmbë. Çuditërisht shoh se dhe punonjësja
amerikane e shërbimit që kam pranë ka filluar të kërcejë…
Një tjetër këngë shumë e njohur ngre sallën
në këmbë: "Lule borë" e kompozitorit Simon
Gjoni. Vokali
brilant i Invës drithëron me zërin melodioz të Arditit.
Një duet i përsosur, Arditi dhe Inva kombinojnë aq mirë
me njeri-tjetrin. kanë kënduar së toku që në
fëmijërinë e hershme. Më pas Arditi lëshon një
ftesë për këngëtarët mërgimtarë që
janë në sallë:- Ejani këtu në skenë së
bashku me ne. Le të këndojmë së bashku…
Nuk pritën që ftesa të përsëritej dy herë.
Eli Fara, Aurela Gaçe, Remi, gjenden në skenë . Një
takim malli
që sërish çon në këmbë sallën. Të
gjithë së bashku një këngë që të çon
në mërgimin e hershëm shqiptar, kënga arbëreshë
"Moj e bukura More" këndohet tashmë nga grupi i këngëtarëve
që janë të bashkuar …..Spektatori ka kaluar një
natë të mrekullueshme nën magjinë e këngës
shqiptare....Kënga mjekoi plagët e mallit për Atdheun e
munguar.
Koncerti u organizua nga Organizata e Grave"Motrat
Qiriazi’ dhe Studio"Fadil Berisha" dhe u sponsorizua
nga "Wester Union", Gazeta Illyria dhe Studio"Fadil Berisha"
include ("http://www.shqiperia.com/reklama460.php");
?>
|
|
|