|
|
Një kamera e fshehtë
do të zbulojë në sallën e Pallatit të Kongreseve
"horlliqet" e artistëve. Aleko Prodani, Zef Deda, Edmond
Halili, Silvana Braçe, Redon Makashi, Bujar Qamili, Behar Mera
e shumë të tjerë kanë mbetur "pengjet" e
lojës së Arjan Çuliqit.
Artistët të zënë
në kurth
Zefina Hasani
Artistët (ose më mirë të themi një pjesë
e mirë e tyre) kanë rënë pre e kamerës së
fshehtë. Nga një miku i tyre e pësuan
pasi i ka tradhtuar
edhe ndonjë pjesëtar i familjes. Ai që ua dinte mirë
pikat e dobëta, veset që i kanë e që nuk i kanë,
nisi dy vjet më parë t"i gjurmonte në të përditshmen
e tyre, t'i ngacmonte e të realizonte gjithë ç'deshte
me ta. Ai që ua dinte "horlliqet" artistëve shqiptarë,
nuk u shfaq vetë, në asnjë çast të këtij
gjurmimi. Kishte caktuar një grup aktorësh amatorë shkodranë
(të cilët askush nuk i njihte) dhe atyre ua vuri kamerën
e fshehtë mbi shpinë. Grupi "Thumbi" mbërtheu
kështu në kamera, për dy vjet me radhë plot 22 artistë
aktorë,
këngëtarë e muzikantë. Situatat delikate, rrëfimet
e shkujdesura, sharjet që ndonjëri prej tyre ka zbrasur pa e
ditur se ku, tashmë janë në duart e Arjan Çuliqit.
Ky është miku që ua bëri "proçkën"
artistëve. Dhe "proçka" nuk do të mbetet me
kaq.
* * *
Më datë 5 tetor, kamera e fshehtë do të zbraset në
sallën e madhe të Pallatit të Kongreseve, në sytë
e "pengjeve" dhe të gjithë të pranishmëve
të tjerë. Ky ka qenë qëllimi final i regjisorit Çuliqi-"Të
bëj një spektakël të madh i cili do të zgjasë
tre orë. Ende nuk e kemi përcaktuar, por spektakli ndoshta do
të ndahet në dy netë pasi ka shumë materiale, të
cilat unë dua t'i transmetoj të gjitha." Tregon se ka pothuajse
tre muaj që po punon intensivisht, për të sistemuar gjithë
punën e realizuar në dy vitet e gjurmimit të artistëve.
"Isha i bindur që në fillim të punës se do të
realizohej diçka e bukur sepse unë e njihja shumë mirë
psikologjinë e artistëve, e dija shumë mirë se ku
duhej t'i ngacmoja që ata të bënin shoë, pa e ditur
se po regjistrohen nga një kamera. Grupi "Thumbi" që
unë angazhova me këtë punë ka ekzekutuar më së
mirë gjithë idetë e mia dhe artistët janë ngacmuar
pikërisht me elemente që i acarojnë e që i prekin".
Për të arritur gjithë këtë, Çuliqi ka
kërkuar gjithmonë ndihmën e një pjesëtari të
familjes të artistit- "Po. Çdo artist që ka rënë
pre e kësaj kamere është tradhtuar nga një i afërm
i tij. Ndryshe unë nuk do arrija të realizojë gjithë
ç'kisha menduar". E ndërsa realizoheshin të gjitha
këto kurthe, vetë Çuliqi qëndronte disa metra larg
vendit të ngjarjes. Fshihej për të mos e dalluar kush.
Ndryshe gjithçka dështonte-"Mjaft të më shikonim
mua diku dhe e kuptonin se diçka po kurdisej, sepse ma njohin tipin."
* * *
Nuk është aspak e lehtë të realizosh një spektakël
të tillë. Së pari, pengesa ka ardhur nga vetë artistët.
Një pjesë e mirë e tyre, pasi kanë kuptuar se kanë
mbetur keq në kurth, kanë ngulur këmbë që Çuliqi
t'i hiqte nga "lista e zezë". Nuk kanë dashur të
shfaqen aq të shkujdesur në syrin e të gjithëve. Por
regjisori nuk fshiu asgjë nga ato që kishte fokusuar në
kamerën e tij. I bindi artistët tekanjozë që ata të
pranonin këtë lloj shakaje spektakolare. "Ka edhe nga ata
që ende nuk e dijnë që kanë rënë pre e kësaj
kamera. Unë do t'i ftoj të jenë në spektakël
atë natë dhe vetëm aty në sallën e Kongrese do
mësojnë se ç'është bërë me ta"-tregon
duke qeshur regjisori.
Gjithsesi, të gjitha këto faza kanë kaluar. Regjisori,
është duke ndërtuar spektaklin, për të shfaqur
sa më dukshëm "horlliqet" e artistëve
gjithë
çfarë mundi të mbledhë me kamerën e tij në
këto dy vjet.
Spektakli në duart e Gjonit dhe Dedës
Një vajzë si Inis Gjoni, që di jo vetëm të prezantojë
por shumë më shumë se kaq
dhe të kërcejë,
dhe të këndojë
i duhej këtij spektakli. Ndaj
dhe regjisori e zgjodhi pa asnjë mëdyshje për ta vënë
në krye të "proçkës" që ka ndërtuar.
Mendoi se krah saj, Zef Deda mund të qëndrojë shumë
mirë. Sepse edhe ai është kompleks. Pra nuk di vetëm
të bëjë humor, por shumë më shumë se kaq
dhe
të këndojë dhe të prezantojë. Këto aftësi
të tyre, Çuliqi ka vendosur t'i shfrytëzojë për
të krijuar një spektakël pa korniza e pa rregulla të
forta, një bashkëbisedim të lirë mes prezantuesve
dhe artistëve të ftuar në atë mbrëmje. "Inisi
dhe Zefi do kenë në duar pyetje me të cilat artistët
do zihen sërish ngushtë, edhe aty në spektaklin e hapur.
Do jenë edhe 10 vajza të tjera që do jenë gjithë
kohës në skenë, të cilave do t'u caktohet ndonjë
pyetje për artistët". Pra "proçka" nuk
ka të sosur, përderisa regjisori do të vërë një
tjetër lojë në duart e prezantuesve të tij, Inisit
dhe Zefit. Ndoshta pikërisht nga kjo, Inis Gjoni ndihet entuziaste.-"Kjo
do të thotë që nuk do të jem një prezantuese
e ngrirë por ajo që unë dua të jem në të
vërtetë. Dhe rasti i mirë këtë herë është
në duart e mia". Inisit i ka ndodhur shpesh të prezantojë
në skenën e Pallatit të Kongresve
së pari me
Kastriot Çaushin (konkursin e bukurisë), më pas me Gazment
Gjokën (festivalin e fundvitit), e më pas me Adi Krastën
(festival i fundvitit). Këtë herë, sipas saj, gjithçka
do të jetë ndryshe-"Është një spektakël
krejt ndryshe nga të tjetër i cili kërkon një përgjegjësi
të madhe sepse do të kem të bëj me artistët më
të njohur të vendit. Me ta do të ndërtoj boshtin e
spektaklit. Gjithsesi kjo nuk më step, pasi mendoj se stuktura e
spektaklit është ndërtuar e atillë që unë
do mund të jem vetvetja pa dashur të sforcohem".
(marre nga Gazeta Shekull)
|
|
|