Inis Gjoni
Mirush Kabashi nuk më zhveshi dot
Nga
Violeta Murati
Zhveshja e aktores- Për herë të parë aktori Mirush
Kabashi dhe aktorja Inis Gjoni rrëfejnë dështimin e tyre
të padukshëm në skenën e Butrintit, me "Apologjinë
e Sokratit", por që do të realizohet në Shkodër
Do ishte shumë seksi. Inis Gjoni kish marrë përsipër
t'i tregonte Mirush Kabashit 60 stilet e të bërit dashuri. E
joshi dhe e zvarriti deri në shtratin e erosit. Ndërsa ai ishte
trim, pijanec dhe nuk refuzonte asnjë femër. Shkoi deri në
prag të shprishjes së nderit.
Iu afrua. Mirush Kabashi me mjaft emocion. Tentoi t'i zbërthente
gjimbajtëset.
Porse duart i dridheshin
Ajo dreq kopse, e fustanellës së
bardhë ishte ogurzezë që asgjë të mos kurorëzohej.
Nuk mund ta jepte veten. Duhej realizuar qëllimi. Duart sërish
iu ngatërruan pas krahëve të Inisit. Dhe u kthye përballë
publikut
që të vazhdonte gjyqin e Sokratit. Mirush Kabashi
me "Apologjia e Sokratit" përveçse do të befasonte
publikun, në Festivalin Ndërkombëtar të Butrintit,
rrëfen edhe një nga incidentet që rrallë iu ndodh
artistëve. E rikthyer pas katër vitesh, kjo vepër do sillte
edhe shkëlqimin e aktores Inis Gjoni. Porse një "dështim"
do ishte për aktorin Kabashi që nuk arriti të finalizonte
skenën e zhveshjes së aktores.
Incidenti që nuk zhveshi Inisin
Ashtu i veshur me lecka, Sokrati i gjunjëzuar nën këmbët
e të dashurës së tij të radhës do përcmonte
ndjenën e dashurisë për të rrëfyer filozinë
njerëzore. Mirush Kabashi tepër sqimëtar nuk mund ta çonte
një shfaqje të tillë në skenën madhështore
të Butrintit pa pasur ngacmimin e gjallë artistik. E kish realizuar
më parë këtë skenë, në një video projektor.
Vetëm ai, duke zhveshur aktoren e hirshme, Inis Gjoni. Porse kjo
ide nuk mund të ngjitej në Butrint. Ndaj, Mirushi vendosi që
skena të realizohej e gjallë përballë publikut në
amfiteatrin antik. Si lakuriqësia e gurëve të këtij
teatri të ishte dhe vetë skena. Nuk arriti të bënte
prova. Ndonëse orët e vona të mbrëmjes, e kalonin
mesnatën dhe gdhihej e nësërmja, aktori Kabashi do të
ndjentë vazhdmisht shqetësimin se si do shkonte shfaqja. Emocioni
i rikthyer pas katër vitesh. Porse kjo edhe për ishte dhe për
aktoren Gjoni, sepse ajo do ishte "viktima" që do të
zbërthente filozofinë e Sokratit. Në të vërtetë
provat nuk u bënë. Direkt në skenë, Inisi do të
shfaqte elegancën e saj fizike, duke ftuar aktorin Kabashi në
një tundim. Direkt në skenë, i përhumbur në rolin
e Sokratit, Kabashi do të emocionohej dhe nuk do mund të finalizonte
skenën e zhveshjes së Inisit për të sjellë filozofinë
artistikisht. "M'u ngatërruan duart në kopsën e fustanit
të bardhë. Kjo vonoi edhe kohën kur do të zbërtheja
sutjenat e Inisit. Më erdhi keq sepse kisha dy ditë që
kërkoja në Tiranë geta të posacme për skena të
tilla", tregon Mirushi me nënbuzëqeshjen e çiltër.
Ndonëse nuk arriti të sjellë një skenë erotike,
gjithsesi thotë se ishte një mrekulli artistike eleganca fizike
dhe loja e aktores. "Inisi mund të them tashmë e ka kaluar
pragun e suksesit. Ajo është një aktore e kompletuar me
të gjitha elementet".
Videoprojektori, zbulon të vërtetën
Ka rrethuar me përqafim aktorin Mirush Kabashi. Në videoprojektorin
e ngritur enkas për shfaqjen "Apologjia e Sokratit", Inisi
zbulon pjesën e sipërme të fizikut të saj. Ekranizimi
nuk mund t'i shkonte përshtat Butrintit. U vendos që kjo skenë
të ishte e gjallë. Kishin ditë që kërkonin veshjen
transparente, geta të posaçme. Nuk kish bërë asnjë
ditë prova në Butrint, ashtu e zhveshur. Vetëm në
mbrëmjen, kur mbi 2000 spektatorë kishin mbushur skenën
e teatrit antik, do realizohej këmbëngulja e gjatë e aktorit
Kabashi. Ishin çaste emocioni për aktoren.dhe shqetësimi
të vazhdueshëm për aktorin. Porse nuk ndodhi ajo ç'ishte
menduar. Nuk u finalizua skena e zhveshjes. Për Inisin, edhe pse
nuk shkoi ideja, gjithsesi ishte bukur që realizimi të mbërrinte
përfundimisht deri në shpërthimin e duartrokitjeve të
spektatorëve. "Nuk me duken skena erotike është shumë
e bukur artistikisht. Isha e veshur e tëra me geta ngjyrë mishi.
Ndërsa në pjesën e sipërme, reçipetat duhej
të hiqeshin. Në dukje kjo të jep një lloj lakuriqësie.
Në pikën kulmore, Mirushi nga emocionet nuk arriti t'i hiqte
reçipetat", shprehet Inisi.
Aktorja tradhëton Mirushin
"Apologjia e Sokratit" sërish do të përsëritet.
Këtë herë në skenën e qytetit të Shkodrës.
Janë dy mbrëmje të njëpasnjëshme që aktori
Mirush Kabash do të risjellë Sokratin dhe gjyqin e tij. Në
krah këtë herë, gjyqtari, nuk do të jetë aktori
Andon Qezari por Alfred Bualoti. Po në të njëjtën
skenë do të jetë edhe aktorja Inis Gjoni. Të dy premtojnë
se do të realizojnë atë ç'ka "dështoi"
në Butrint. "Ajo që nuk u realizua në Butrint do të
ndodhë në Shkodër. Do të jem atje", shprehet
Inisi. Por kjo "bashkëjetesë" në mes aktorit
Kabashi dhe Inisit deri në Shkodër e ka kufirin. Më tej
ajo do të shkëputet. Nuk do të shoqërojë më
në turnetë e tjera këtë shfaqje dhe as shthurjen e
Sokratit.
Inis Gjoni: Mirush Kabashi ishte një shans për mua
"Bashkëpunimi me aktorin Mirush Kabashin përbën për
mua një kënaqësi të jashtëzakonshme. Në
radhë të parë, sepse unë mora pjesë në një
festival ndërkombëtar si ai i Butrintit dhe në radhë
të dytë, të interpretosh krah një aktori siç
është Mirushi është një eksperiencë e madhe.
Do ta quaja me të vërtetë një shans. Ai luan jashtëzakonisht
bukur, të imponon rolin, të zhyt në skenën e teatrit.
Ndonëse, ishte një moment dhe një rol jo i madh, për
mua si aktore mbarte vlera shumë të mëdha. Nganjëherë
është thënë një gjë shumë e vogël
dhe kanë dalë gjëra të mëdha. Skena e Butrintit
po aq ishte një magjepsje më vete. Ajo madhështi e skenës
nuk të hiqet nga mendja, e për më tepër kur shkel
atë është një kënaqësi e dyfishtë.
Ishte e jashtëzakonshme. Një skenë që të relakson
dhe nuk të komplekson".
Dalja e Inisit në skenë ishte një nga pikat më
dinjitoze të shfaqjes
Mirush Kabashi: Ja pse nuk e zhvesha dot Inisin
Tentuat të zbërthenit filozofinë e Sokratit përmes
një skene të veçantë, atë të zhveshjes
së aktores?
Kjo pjesë ka qenë e parashikuar të realizohej përmes
një projektori me dritë hije, ku në skenë hynte Inisi,
gjysëm e zhveshur. Porse këtë ekranizim Butrinti nuk e
pranonte, pasi ka madhështinë e tij origjinale. Kishim kërkuar
dy ditë, që të gjenim një palë geta që vishen
për këto skena. Doja që të sillja gjithçka
që kishte të bënte me moralin e veprës. Doja t'i përshtatesha
fjalëve të Sokratit: gjersa s'ka asgjë absolute në
çështjet e dashurisë dhe për të tjerat kështu
ndodh. Gjithçka e vendosa në kontekstin e filozofisë,
mbrapa së cilës fshihen gjithnjë interesa.
Pse dështoi kjo skenë?
Me Inisin nuk arritëm të bënim prova asnjëherë
sepse gjatë gjithë kohës në Butrint kishte mjaft vizitorë.
Duke qënë skenë e hapur ajo nuk zhvishej dot. Ndërkohë
nuk e pata menduar se do të dështonte, kjo skenë. Porse
atë mbrëmje e fshehta e kësaj skenë qëndron në
mosfunksionim e një kopse. Nuk zbërtheva dot fustanin, më
pas dhe reçipetat e Inisit. Në fakt nuk dija mekanizmin e
zbërthimit të tyre.
Kjo ishte një zgjedhje e juaj dhe pse?
E kërkova me këmbëngulje që ta realizoja këtë
skenë. Ka një të vërtetë në karakterin e
Sokratit. Ai ka qenë një pijetar dhe femnist i madh. Siç
është e njohur filozofia dhe trimëria e tij po aq njihet
dhe hamshorllëku i tij. Ky moment është në fakt i
zbërthimit të historisë por në thelbin e filozofisë.
Ndërsa zgjedhja për Inisin ka qenë mjaft e goditur sepse
roli i saj nuk kërkonte thjesht bukurinë fizike por edhe aktoren.
Kjo është arsyeja pse vendosa që të jetë Inisi.
Ajo ka ardhur me dëshirën e saj, pasionin që ka për
skenën.
A të erdhi "inat" që nuk funksionoji ideja juaj?
Atë mbrëmje kur mbaroi shfaqja në Butrint isha mjaft i
befasuar nga spektatorët. Kjo ma zbehu shqetësimin që nuk
e realizova skenën ashtu siç e pata menduar. Artistikisht
ka qenë një nga pikat dinjitoze të shfaqjes.
Po për partneren tuaj ç'mendim keni?
Inisi në skenë ishte një personifikim. Ajo ka elegancë
fizike dhe është njëkohësisht aktore. Të dyja
së bashku e kompletojnë Inisin si portret. Ajo në fakt
i jepte skenës një vërtetësi, një sensualitet
vërtetë mahnitës. Rolin e saj ajo e arriti duke bërë
një zbërthim maksimal të prezencës së saj artistike.
Në fakt kjo skenë është një etyd. Inisi tregoi
sqimën e saj si aktore, dobësinë që ka për aktrim.
(marre nga Ballkan)
|