|
|
Drita Pelingu, Ndriçim
Xhepa, Robert Ndrenika
rrëfejnë kujtimet dhe të fshehtat
e filmave të Vladimir Priftit.
Gjurmët e filmave
mbetur në
celuloid
Zefina Hasani
Ndodhi një ditë që "gjenerali" i Ismail Kadaresë
doli nga kornizat e ngurta të skenës së Teatrit Kombëtar
dhe nisi të kërkojë në hapësira të vërteta
gjithë eshtrat e ushtarëve të tij të vdekur, gjithë
ata që kishin mbetur në trojet shqiptare. E nga pas nuk e ndiqte
më syri kureshtar i spektatorit të sallës së teatrit
por
një kamera gjigante televizive. Pra "gjenerali" nisi të
rrëfehet për një film këtë herë, dhe jo
më për një shfaqje teatrale.
Tashmë ka kaluar mbi një çerek shekulli nga ajo kohë
kur në dyert e Televizionit shqiptar, "gjenerali" trokiti
për të bërë këtë film televiziv. Ishte vitit
1975 dhe ishte e para herë që kërkohej diçka e tillë
në ato dyer. Askush nuk mund të besonte se "gjenerali"
do të mund ta bënte këtë mrekulli, ndërkohë
që askush nuk e kishte mirë të qartë në mendje
se ç'do të thoshte-film televiziv artistik. Gjithsesi "gjenerali"
doli i fituar. Filmi u realizua nën regjinë e Vladimir Priftit.
Nxitur nga ky sukses, regjisori nuk e la me kaq punën e nisur
për
të bërë filma televizivë. Një vit më pas,
do të nxirrte një tjetër dramë nga skena e Teatrit
Kombëtar e do ta hidhte në terren të hapur, me të
njëjtët aktorë. Ishte drama "Kur hidheshin themelet",
që do të shfaqej pas "Gjeneralit të ushtrisë
së vdekur" si film në ekranin e vogël të TVSH-së.
Ndërkohë, regjisori Prifti kishte të gatshëm ndër
duar një tjetër film
"Udha e shkronjave" do
të shfaqej premierë vetëm pak ditë më pas.
Vërtet kanë kaluar shumë kohë, nga ajo kohë e
mundimshme. Por asgjë nuk ka mbetur në harresë, gjithsesi.
Përkundrazi. Regjisori Vladimir Prifti i ka mbledhur të gjitha
kujtimet e atyre viteve në fletët e një libri. E jo vetëm
për ato vite, por për gjithë çka ndodhur më
pas në vitet e gjata të punës së tij.
Shumë emra që kanë bashkëpunuar me të janë
rrëfyer në këtë libër
jo vetëm për
"Gjeneralin
", jo vetëm për "Udhën
e shkronjave", jo vetëm për "Kur hidheshin themelet"
(të cilat ishin të parat krijime të tij) por edhe për
"Erën e ngrohtë të thellësive" (që
u shfaq më 1982), edhe për "Kush vdes në këmbë",
edhe për filmin "Dhe vjen një ditë", edhe për
"Flutura në kabinën time" edhe për "Dasmën
e Sakos" edhe për "Të bekuarit" e së fundmi
edhe për "Butrintin". Vladimir Prifti ka mbledhur rrëfimet
e atyre kohëve të largëta e të këtyre ditëve
të sotme të Teodor Laços, të Kiço Blushit,
Mevlan Shanajt, Robert Ndrenikës, Ndriçim Xhepës, Drita
Pelingut, Naum Priftit, Natasha Lakos, Pali Kukes
.e shumë të
tjerëve. Secili prej tyre ka zbuluar pak nga e fshehta e magjisë
së një filmi, pakëz nga emocionet e forta që kanë
përjetuar
atëherë kur kanë qenë në
shesh të xhirimit.
Në "Udhën e shkronjave"
Sekreri i lotëve të Sandër Prosit
Regjisori i njohur Pali Kuke, i cili ka qenë operator në këtë
film tregon pak nga të fshehtat e "Udhës së shkronjave".
Mes të tjerash rrëfen
Ishte çasti kur xhirohej episodi
"malli për vendlindjen". Sandër Prosi (i cili luan
rolin e Dhaskal Todrit) duhej të qante, i mallëngjyer nga rikthimi
në vendlindje
mirëpo sytë e tij vetëm sa u lëngëzuan
dhe loti nuk pikoi në faqe. Regjisori kërkoi që të
përsëritej sërish dubla
derisa Prosi të qante.
Por kishte qenë e pamundur edhe pse ishin bërë plot shtatë
dubla. Rastisi që në ato rrugë kaloi autobusi i linjës
Vlorë-Himarë. Boria e atij autobusi ua prishi xhirimin. Pastaj
një burrë zbret nga ai autobus dhe i afron Sandër Prosit
një qese me qershi-"E ke nga të gjithë ne"-i
tha ai aktorit. Kaq do të duhej që Sandër Prosi të
thërriste-"Fillojmë xhirimin". Ishte emocionuar nga
ai çast dhe donte ta shfrytëzonte emocionin për momentin
filmik. Dhe pati rezultat. Në dublën e radhës Sandër
Prosi arriti të qajë në episodin "malli për vendlindje"
Pelingu rrëfen frikën
kur ishte fillestare
Ajo do ta luante sërish rolin e Budes në filmin "Kur hidheshin
themelet". Ishte gëzuar në fillim por shumë shpejt
ishte mbërthyer nga ethet kur mendonte se nuk do të ishte më
në skenën e Teatrit Kombëtar por para kamerave televizive.
Në skenë kishte një përvojë 30-vjeçare,
ndërsa në film ishte pothuajse fillestare. Pelingu ka treguar
në faqet e këtij libri gjithë përpëlitjet me
veten, për ta realizuar ashtu si duhej atë rol. "E kisha
luajtur disa herë Buden në skenë-rrëfehet ajo-dhe
i druhesha mekanizmit para kameras. Spektatori nuk është përballë
teje por diku pas kameras. Ti nuk e sheh atë por ai të ndjek
në çdo moment. Të gjitha këto shqetësime më
ndoqën deri në fund të filmit. Kur iu afrova për herë
të parë vendit të xhirimit, kisha shumë emocione derisa
e qortova veten -"Jo ky emocion të dëmton". Pastaj
ndieva se mjedisi real më ndolli një të vetëdjerë
të re ku nuk përfshihej në të "sikuri skenik".
Emocionet u zhdukën, rrëmbeva gjymin dhe shpejtova të mbush
ujë
." Më pas xhirimet i ishin dukur më të
lehta dhe Pelingu nuk e kishte pasur të vështirë të
gërrmonte realisht gropën për të fshehur teneqetë
e floririt"
Ndrenika rrëfen "Dhe vjen një ditë"
nën petkun e vëllait të madh
Tregon se çasti më kulmor në filmin "Dhe vjen një
ditë" ka qenë takimi i tij në hotel me vëllain
që punonte në Tiranë (Llanon). "Zieja i tëri
përbrenda. Vjen një fshatar në Tiranë të takojë
vëllanë dhe ky zgjohet në mes të natës e më
kërkon hesap pse erdha, e më kërkon të shes kalin
të vetmen pasuri që kisha. Atë çast ndjeva të
më materializohej ajo që këta dy vëllezër nuk
kishin asgjë të përbashkët me njëri-tjetrin.
Kjo ndiesi nuk u dha si e stisur me zor por në mënyrë krej
realiste dhe të natyrshme"-Ndrenika e kish përjetuar thellë
gjithë atë që ndodhte në marrëdhëniet me
Viktor Zhustin, e kishte ndier veten vërtet si ai fshatari i filmit.
Xhepa dhe "Flutura" në kabinën e tij
më i përshtatshmi për Tomën
Regjisori kishte vënë në provë dhe disa aktorë
të tjerë për të interpretuar Tomën. Dhe në
fund Ndriçim Xhepa ia kishte mbushur syrin. Aktori ishte kënaqur
nga kjo zgjedhje dhe i hyri me shumë pasion këtij roli, sepse
e kishte tërhequr shumë bota e brendshme e Tomës e mbi
të gjitha marrëdhënia e tij me Fluturën. Ndriçim
Xhepa rrëfen në këtë libër se befasuese për
të ka qenë kontakti i tij i parë me kamionin-"Guida
që kam bërë me shoferët e parkut të Laçit
do të mbetet e paharruar në kujtesën time si aktor",-tregon
Xhepa. Prej tyre mësoi jo vetëm makinën por dhe plastikën
e të qenurit një shofer prej vërteti.-"Ulesha me ta,
rrija e bisedoja, haja me ta pse jo edhe pija ndonjë gotë me
ta",-të gjitha këto i bënte të funksion të
rolit. E për aq kohë sa kanë zgjatur xhirimet, regjisori
Vladimir Prifti e ka bërë që të mos ndihet më
Çimi por shoferi Tomë. Në një çast kërkesa
e regjisorit që ai të dilte e të mblidhte flutura në
lëndinë, Xhepës i ishte dukur e tepërt, jashtë
rolit, i dukej e çuditshme se si Toma mund të bënte diçka
të tillë-"Pastaj iu binda regjisorit dhe kuptova se ai
moment në të vërtetë ishte një kontrapunkt, një
detaj që ia shtonte së tepërmi vlerat personazhit.
Të tjera rrëfime
Janë pafund kujtimet dhe vlerësimet që të tjerët
kanë dhënë për këto filma
për gjithë
atë që nisi që nga vitit 1976 e deri më sot. Të
gjitha janë ndër këto faqe libri, për të mbetur
si gjurmë të pavdekshme të histosisë së filmit
ose siç i quan dhe vetë regjisori, gjurmë në celuloid.
(marre nga Gazeta Shekull)
|
|
|