|
|
include ("../reklama460.php");
?>
Në 13 korrik këngëtari amerikan do të
këndojë për 92 minuta në Amfiteatrin Calvin. E njeh
Shqipërinë pas çlirimit të Kosovës, ku në
vitin ’99 këndoi për forcat e NATO-s, përkrah Mariah
Carey
Coolio, gangsteri i repit në Tiranë
Do t’iu kujtohet ai këngëtar me kokën gjëmbaç
që e bëri aktoren e famshme Michele Pheifer të interpretojë
zyshën rebele në getot e Amerikës, pikërisht në
videon e tij “Gangster’s paradise” (Parajsa e gangove).
Eshtë Coolio, reperi amerikan që ra në sy sidomos me ketë
këngë, 10 vjet të shkuara. Do të vijë në
Tiranë më 13 korrik. Eshtë ftuar nga amfiteatri Calvin
ku do të këndojë për 92 minuta repertorin e zgjedhur
nga 7 albumet e tij që qarkullojnë edhe në tregun muzikor
shqiptar.
“Coolio ka një afeksion ndaj Kosovës dhe thotë se
e njeh Shqipërinë”, -thotë administratori i Calvin,
Tomorr Shehu. “Ka qenë në Kosovë në vitin ’99,
njëkohësisht me këngëtaren Mariah Carey, kur mbajtën
një koncert për trupat paqeruajtëse amerikane atje.”
Administratori Shehu bën të ditur se ardhja e Coolio-s në
Shqipëri u bë e mundur falë aderimit të një prej
menaxherëve të Calvin në Shoqatën e Manaxherëve
Evropianë.
Nata e 13 korrikut në amfiteatrin Calvin, i cili është
kthyer në një arenë të vërtetë të muzikës
bashkëkohore të artistëve shqiptarë e të huaj,
është menduar të nisë në orën 20 të
mbrëmjes deri në 2 pas mesnate. Të ftuar do të jenë
8 grupe të rinjsh, të rrymave muzikore R&B, hip-hop. Janë
katër grupe nga Shqipëria dhe katër nga Kosova, mes tyre
“Tingulli 3”, “Etno ëngjujt”, “Ritmi
i rrugës”.
Pastaj 1 orë e 30 minutat e fundit të mbrëmjes i janë
rezervuar reperit amerikan Coolio.
Kush është Artis Ivey
I lindur në Los Angeles në gusht 1963, Artis Ivey, reperi i
njohur me emrin e artit Coolio, për herë të parë shfaqet
në skenën muzikore, ndërsa ishte ende në shkollë
në fund të vitit ’70. Edhe pse vinte nga një klasë
shoqërore jo e privilegjuar, ai asnjëherë nuk është
bërë pjesë e ndonjë bande gangsterësh apo krimesh,
përkundrazi u përqendrua në aktivitet muzikor. Pasi punon
me DJ Bryan “Wino” Dobbs, Coolio regjistron albumin debutues
“It Takes a Thief”, në vitin 1994. Një nga këngët
e këtij albumi, “Udhëtim fantastik” bëhet menjëherë
hit. Më pas vijon “Gangsta's Paradise”, jo vetëm
vlerësohet krijimi më i mirë i vitit për muzikën
rep, por i jep atij statusin e një prej yjeve më të mëdhenje
të repit të viteve ‘90-të. Albumi i tij i fundit
“My Soul”, u realizua në gusht 1997.
e.d
Shekulli
include ("../reklama460.php");
?>
|
|
|