|
|
include ("http://www.shqiperia.com/reklama460.php");
?>
Anna Oxa rikthehet në festivalin e Sanremos
me këngën “Cambiero”. Ajo vetë vetë pohon
se është kjo një këngë që u ikrijua nga
dhembja
Anna Oxa me një disk të ri
kushtuar babait shqiptar
Anna
Oxa do të rikthehet në skenën Sanremos. Në këtë
edicion ajo do të prezantohet me këngën “Cambierò”,
këngë kjo e albumit të saj “Ho un sogno”, që
pritet të hidhet në treg në datën 7 mars, në
bashkëpunim me Marco Falagiani. “Disku-shpjegon Oxa-, -lindi
nga dhimbja dhe vuajtjet. Kam punuar shumë duke përballuar dhimbjet,
duke i mbajtur ato me vetë gjithmonë. Por kam kuptuar se kam
nevojë të kuptoj se nga më vijnë këto dhimbje.
Kam qenë një person totalisht i zhgënjyer, por tani vonë
kam kuptuar që gabimi im ka qenë pritja për të marrë
mirënjohje nga ata që më shkaktonin mua dhimbje dhe vuajtje.
Gjashtë vjet më parë kam pasur një moment krize, pas
vdekejs së nënës sime. Që nga ajo kohë dhimbja
ka filluar të rilindë, edhe pse unë jam munduar ta fsheh
atë. Kjo më ka ndryshuar totalisht jetën, duke ndikuar
edhe në marrëdhëniet e mia me veteveten dhe të tjerët”-tregon
këngëtarja-Ka pasur momente që i jam përshtatur kësaj
dhimbjeje, por besoj se këto lloj anestesish nuk zgjasin shumë.
Pata frikë nga rikthimi i luftës për vitin e ri, pas zërave
që dëgjoja në media. Ndoshta këto luftra të vonuara,
që duan të hyjnë në kohët moderne, duan të
dhunojnë dhe prishin paqen, pa marrë parasysh vdekjet që
po ndodhin çdo ditë e më shumë në botën
e tretë”. Anna shpjegon se në diskun e ri të saj
ka prekur tematika të ndryshme-“Kam futur familjen, rrënjët
e mia. Ndiej brenda këtij disku aromën e babai tim shqiptar”-thotë
këngëtarja.
Ndërsa nis të zbulojë pak e nga pak tekstin këngës
së saj me të cilën do të konkurojë në festivalin
e Sanremos. “Për një kohë kam bredhur më një
biletë në xhep, kam kuptuar gjatë këtij udhëtimi
sa gjëra më mungojnë”-këndon ajo ngadalë
një pjesë të këngës së saj. Gjatë historikut
të festivalit të Sanremos ajo ka fituar dy çmime, së
bashku me Fauto Leali dhe një herë si soliste, megjithatë
ajo thekson “Sanremo nuk është më Sanremoja e dikurshme,
por vetëm një adresë ku mund të bazosh projektet e
tua, sidomos për ata që nuk mund të ingranohen si duhet
në botën e muzikës. Tashmë publiku ka ndryshuar. Në
atë kohë ishte shumë e vështirë të hyjë
në garën e madhe të këtij festivali, të ëndërruar
nga këngëtarët e mëdhenj që qanin si fëmijë
nëse nuk hynin dot në një edicion. Megjithatë unë
vazhdoj ta respektoj këtë insitucion gjigand të muzikës.
Në Sanremo, janë 16 milion shpektatorë që të
ndjekin dhe ne si artistë duhet të përulemi para atyre
që i dhanë formë imazhit tonë në botën e
muzikës”-tregon këngëtarja, nostalgjike ndaj kohës
kur ajo nisi rrugën e muzikës. Këngëtarja me origjinë
shqiptare, konfirmon se nuk do të këndojë më përkrah
Giorgio Panariello, në edicionin e rradhës së “Torno
sabato”, duke shpjeguar se ka ndryshuar rrënjësisht. Ajo
ka marrë pjesë në spektaklin “Kthehen të shtunën”,
përkrah Giorgo Panariello, lidhje kjo që është kosndieruar
si një nga arsyet e dështimit të martesës së
saj me Paçollin. “Në të kaluarën kanë
qenë shumë gra, që më kanë nxitur të futem
në botën e spektaklit dhe u binda, por pashë se brenda
një kohe të shkurtër, imazhi i një këngëtari
që tenton të hyjë në rrugën e spektaklit humb
të qenurit artist dhe kjo është parësore tek ne. Më
shumë se një artiste, në skenë, një këngëtare
nuk mund të bëjë gjë, përveçse të
zbukurojë imazhin e një spikeri të adhuruar nga italianët
që mbulon tradicionalisht, lapsusat partneres së tij.”
Marrë nga Shekulli
include ("http://www.shqiperia.com/reklama460.php");
?>
|
|
|