Gazetari denoncon: Si po e shkatërron Vangjush Dako me ekskavator “Torrën Veneciane”?
Gazetari denoncon: Si po e shkatërron Vangjush Dako me ekskavator “Torrën Veneciane”?
18 mars 2019
Gazetari Aulon Kalaja ka denoncuar shkatërrimet që po bëhen nga eskavatorët e Bashkisë së Durrësit tek “Torra Veneciane”.
Gazetari shkruan se nisja e punimeve që po shkatërrojnë zonën arkeologjike të kategorisë A, vjen pas vendimit të Gjykatës së Apelit Administrative.
Denoncimi i Aulon Kalasë:
Tani ne Durrës, tek “Torra Veneciane”:
Vangjush Dako shkatërron me eskavator historinë dhe trashëgiminë kombëtare.
Edhe pse e mbrojtëm për 2 vite radhazi, pushteti kriminal nuk pyet, po shikoni se si i trajton rrënojat shekullore.
Ditë më parë, denoncuam se si mjetet e rënda u rishfaqën gjatë fundjavës dhe gërmimet e ekskavatorit kthyen në një pirg gurësh, një pjesë të mureve të bastionit fortifikues të shek. XVII dhe ngrehinës së periudhës osmane, që u ripërdor më shumë se një shekull më parë si konaku i Princ Vidit – i cili për 6 muaj në vitin 1914 u ngrit në fron si mbret i shqiptarëve.
Thyerja e mureve të bastionit nxori në dritë objekte të reja arkeologjike, si kapitele, një bazament altari dhe objekte monumentale prej mermeri, një pjesë e të cilave datojnë sipas arkeologëve që në periudhën romake.
Rifillimi i punimeve për të ashtuquajturin projekti ‘Veliera’ – një mamuth betoni në hyrje të qytetit bregdetar, i shtrirë mbi një zonë arkeologjike të kategorisë “A” me shtresëzime që shkojnë deri në antikitetin e vonë, erdhi pas një vendimi të Gjykatës Administrative të Apelit.
Sipas ligjit për Trashëgiminë Kulturore dhe rregullores së administrimit të zonës arkeologjike A dhe B, punimet që kryhen në qytetin e Durrësit duhen monitoruar nga arkeologët – nëpërmjet një marrëveshje trepalëshe që lidhet midis investitorit, kompanisë zbatuese të punimeve dhe Këshillit Kombëtar të Arkeologjisë.
18 mars 2019
Gazetari Aulon Kalaja ka denoncuar shkatërrimet që po bëhen nga eskavatorët e Bashkisë së Durrësit tek “Torra Veneciane”.
Gazetari shkruan se nisja e punimeve që po shkatërrojnë zonën arkeologjike të kategorisë A, vjen pas vendimit të Gjykatës së Apelit Administrative.
Denoncimi i Aulon Kalasë:
Tani ne Durrës, tek “Torra Veneciane”:
Vangjush Dako shkatërron me eskavator historinë dhe trashëgiminë kombëtare.
Edhe pse e mbrojtëm për 2 vite radhazi, pushteti kriminal nuk pyet, po shikoni se si i trajton rrënojat shekullore.
Ditë më parë, denoncuam se si mjetet e rënda u rishfaqën gjatë fundjavës dhe gërmimet e ekskavatorit kthyen në një pirg gurësh, një pjesë të mureve të bastionit fortifikues të shek. XVII dhe ngrehinës së periudhës osmane, që u ripërdor më shumë se një shekull më parë si konaku i Princ Vidit – i cili për 6 muaj në vitin 1914 u ngrit në fron si mbret i shqiptarëve.
Thyerja e mureve të bastionit nxori në dritë objekte të reja arkeologjike, si kapitele, një bazament altari dhe objekte monumentale prej mermeri, një pjesë e të cilave datojnë sipas arkeologëve që në periudhën romake.
Rifillimi i punimeve për të ashtuquajturin projekti ‘Veliera’ – një mamuth betoni në hyrje të qytetit bregdetar, i shtrirë mbi një zonë arkeologjike të kategorisë “A” me shtresëzime që shkojnë deri në antikitetin e vonë, erdhi pas një vendimi të Gjykatës Administrative të Apelit.
Sipas ligjit për Trashëgiminë Kulturore dhe rregullores së administrimit të zonës arkeologjike A dhe B, punimet që kryhen në qytetin e Durrësit duhen monitoruar nga arkeologët – nëpërmjet një marrëveshje trepalëshe që lidhet midis investitorit, kompanisë zbatuese të punimeve dhe Këshillit Kombëtar të Arkeologjisë.