Ndonëse fillimisht Arsenali kërkonte 30 milion paund për futbollistin në fjalë, Venger ka pranuar të ulë disi kërkesat e tij për dy arsye. E para është se rrezikon që Van Persi të mbetet në skuadër dhe të kthehet në një objekt urrejtje të tifozëve, qëndrim që u shfaq më së miri në miqësoren kundër Këln ku lojtari u vërshëllye në kor.
Arsyeja e dytë është një “telefonatë paqe” e zhvilluar mes trajnerit francez dhe Ferguson, me këtë të fundit që ka insistuar të ketë në dispozicion lojtarin që në ndeshjen e hapjes së kampionatit në fundjavë. Ndërhyrja personalisht e Ferguson në marrëveshje ka treguar tashmë se si dy ekipet po i afrohen akordit dhe shumë shpejt, holandezi do të jetë partneri i ri i sulmit për Uejn Runin.