Lojtarët e Barcelonës i priti një ambient i tensionuar gjatë kthimit në Katalunjë pas humbjes së papritur në Granada. Kur autobusi kaloi pranë stadiumit Camp Nou, një grup tifozësh iu drejtuan lojtarëve me fraza të tilla si: “Nuk keni turp”, “bij k...” apo “mendoni vetëm për Botërorin”.
Për Neymarin pati ofendime raciste, ndërsa portierit Pinto iu kërkua largimi i menjëhershëm nga Barcelona.
Futbollistët u kthyen në Camp Nou pas ndeshjes me Granadën për të marrë sendet personale dhe makinat që i kishin lënë në stadium. Vetëm Mascherano ndaloi për të qetësuar fansat e mërzitur.