Arsenali ofron 62 milione euro per Cavanin

Sipas gazetave sportive angleze, Arsenali është duke tentuar blerjen e ish-sulmuesit të Palermos dhe Napolit, por që aktualisht luan me PSG, Edinson Cavani. Javën e kaluar, skuadra e Arsen Venger ofroi për sulmuesin uruguaian plot 40 milionë euro dhe sulmuesin francez Giroud.

Gjithsesi, me dëmtimin e sulmuesit i cili theu këmbën javën që kaloi, oferta tani ka ndryshuar. Sipas gazetës Daily Express, skuadra e Venger është hedhur në sulm për Cavanin duke bërë një ofertë tjetër, akoma edhe më të lartë: 62 milionë euro, pas përfshirë asnjë lojtar tjetër.  Kjo shifër, pak më shumë ose pak më pak, është thuajse e njëjtë me shifrën që parisienët paguan për të blerë nga Napoli.